Ёэль 1:4 - Мукъаддес Китап

⁴ Тыртырлардан къалгъаныны сарынчкъалар ашады, сарынчкъалардан къалгъаныны чегерткилер ашады, чегерткилерден къалгъаныны къонъузлар ашап битирди.

Ёэль 1:4 ပူးပေါင်းရင်းမြစ်များ

3 Падишалар 8:37

Топракъта ачлыкъ, я да веба хасталыгъы, я да бирде-бир осюмлик хасталыгъы, куф, чешит тюрлю сарынчкъа олса, я да душманлар халкънынъ топрагъындаки шеэрлерини хорласалар, эр тюрлю беля-къаза я да хасталыкъ олса,

2 Тарих вакъиалары 6:28

Топракъта ачлыкъ олса, я да веба хасталыгъы, я да бирде-бир осюмлик хасталыгъы, куф, чешит тюрлю чегертки басса, я да душманлар халкънынъ топрагъындаки шеэрлерини хорласалар, эр тюрлю беля-къаза я да хасталыкъ олса,

2 Тарих вакъиалары 7:13

Эгер Мен коклерни къапатсам ве ягъмур ягъмаса, эгер Мен сарынчкъагъа топракъны ёкъ этмеге буюрсам я да Меним халкъыма веба хасталыгъыны йиберсем,

Зебур 105:34

РАББИ оларгъа эмир эткен эди, олар исе къырмадылар ят халкъларны,

Чыкъыш 10:4

Эгер халкъымны йибермесенъ, ярын бутюн мемлекетинъе сарынчкъа ёлларым.

Чыкъыш 10:5

О, ер юзюни ойле къаплар ки, ерни корьмеге чареси олмаз. О, топрагъынъызда бурчакътан сагъ къалгъан эр шейни ашар. Тарлаларынъызда оськен эписи тереклеринъизни де бутюнлей кемирир.

Ешая 33:4

Тыртырлар киби, адамлар гъаниметни джыялар, онъа, сарынчкъа дайын, атылалар.

Йирмея 51:14

Ордуларнынъ РАББИси Озюнен ант этти: – Сарынчкъалар киби, адамлар сени толдураджакълар, санъа къаршы къычыраджакълар!

Йирмея 51:27

Ер юзюнде байракъны котеринъиз! Халкълар арасында боразан чалынъыз! Вавилонгъа къаршы дженк этмек ичюн халкъларны айырып элялланъыз. Онъа къаршы Арарат, Минний ве Ашкеназ падишалыкъларыны чагъырынъыз, онъа къаршы бир ёлбашчыны къоюнъыз, къоркъунчлы сарынчкъа киби, атларны топланъыз.

Ёэль 2:25

Берекетинъизни тыртыр, сарынчкъа, чегертки ве къонъузлар ашагъан йыллары ичюн, сизге къаршы ёллагъан буюк ордум ичюн акъкъынъызны къайтарырым.

Амос 4:9

– Мен сизге къурутыджы ельни, ашлыкъларынъызгъа куфни ёлладым. Багъча ве юзюм багъчаларынъызны, инджир ве зейтюн тереклеринъизни сарынчкъа ашады, лякин сиз Манъа къайтмадынъыз, – дей РАББИ.

Амос 7:1

РАББИ-ТААЛЯ манъа шуны косьтерди: Мына, падишанынъ пайына тюшкен пичен вакътындан сонъ, отлар янъыдан ешерип башлагъанда, РАББИ сарынчкъаны ёллады.

Малакий 3:11

Эписини ёкъ эткен боджеклерге буюраджагъым, ве олар топракъ махсулларынъызны бозмайджакъ. Багъдаки юзюм кутюклеринъиз де берекетсиз къалмайджакъ, – дей Ордуларнынъ РАББИси.

Къануннынъ текрары 28:38

Тарлаларгъа чокъ урлукъ сачып, аз махсул джыяджакъсынъ, чюнки оны сарынчкъа ашайджакъ.

Къануннынъ текрары 28:42

Эписи тереклеринъни ве топрагъынънынъ махсулларыны сарынчкъа къаплап аладжакълар.