Ёэль 1:13 - Мукъаддес Китап

¹³ Эй, руханийлер, чувал безинен къушанып, агъланъыз! Къурбан ерининъ янында хызмет эткенлер, зар чекинъиз! Эй, Алламнынъ хызметчилери, Алланынъ Эвине киринъиз, чувал безинде геджеленъиз. Алланъызнынъ Эвинде ашлыкъ ве ичерлик бахшышы къалмады.

Ёэль 1:13 ပူးပေါင်းရင်းမြစ်များ

2 Падишалар 12:16

Давут Аллагъа бала акъкъында дувалар эте, бир шей ашамай, одасына кирип, ерде ятып геджелей эди.

3 Падишалар 21:27

Ахав бу шейлерни эшитип, устюндеки урбаларыны йыртты, къаба урбалар кийди, аштан-сувдан вазгечти. Къаба урбаларыны чыкъармай юкълады ве пек къайгъырып-къасеветленип юрди.

Ешая 22:12

Шунынъ ичюн о куню Ордуларнынъ РАББИ-ТААЛЯсы сизни агъламагъа, айтынмагъа, сачларынъызны кесмеге, чувал токъумаларына кийинмеге чагъыра.

Ешая 61:6

Сизлерге «РАББИнинъ руханийлери» дейджеклер, «Алланынъ хызметчилери» деп адланаджакъсынъыз. Халкъларнынъ байлыгъыны къулланаджакъсынъыз, оларнынъ шурети сизинъки оладжакъ.

Йирмея 4:8

Онынъ ичюн чувал токъумасына сарылынъыз, аджджы агъланъыз, РАББИнинъ янгъан ачувы бизден къайтмайджакъ.

Йирмея 9:10

Дагълар ичюн агълап къычыраджагъым, чёль отлакълары ичюн аджджы агълайджагъым, олар толусынен янып биткендир, олардан кимсе кечмей. Айванларнынъ манърагъаны эшитильмей, эм кок къушлары, эм кийик айванлар эр кес къачып кетти.

Ехезкель 21:12

Инсан огълу! Къычырып агъла, чюнки къылыч халкъыма къаршы, Исраильнинъ эписи башлыкъларына къаршы чыкъа. Олар халкъымнен берабер къылычкъа ашкъа бериледжек. Шунынъ ичюн къасеветтен озюнънинъ баджакъларынъны шамарла!

Ехезкель 27:31

Олар сенинъ ичюн башларыны тыраш этеджеклер, чувалдан япылгъан урбаларны киеджеклер, аджджы козьяшлар тёкип, юреклери сызлап, сенинъ акъкъынъда агълайджакълар.

Ехезкель 7:18

Олар беллерини чувалнен багълайджакъ, къалтырап-титрейджеклер. Масхаралыкъ юзьлерини къаплайджакъ, эписининъ башлары тыраш оладжакъ.

Хошеа 9:5

Азиз топлашув куньлеринде ве РАББИнинъ байрам куньлеринде не япаджакъсынъыз?

Ёэль 2:12

Амма шимди де РАББИ айта ки: – Ашамайып-ичмейип, агълап ве зар чекип, джан-юректен Манъа къайтынъыз.

Ёэль 2:14

Ким бильсин, бельки О, фикирини денъиштирир ве сизни аджыр, сизге берекет берер, Алланъыз РАББИге ашлыкъ ве ичерлик бахшышларыны кетирмеге ёл ачар.

Ёэль 2:17

Руханийлер, РАББИнинъ хызметчилери, Эйваннен къурбан ерининъ арасында агъласынлар ве бойле деп ялварсынлар: «Я РАББИ, халкъынъны аджы. Сенинъ мирасынъны масхара этмесинлер, халкълар оны мыскъылламасынлар. Миллетлер арасында: “Аллалары къайда?” – демесинлер».

Сайылар 28:14

Эр бузавнен берабер тёкюледжек бахшыш оларакъ бир чанакъ, къочкъарнен берабер – чанакънынъ учьте экиси, эр къозунен берабер – ярым чанакъ шарап олсун. Йылларнынъ айларында эр янъы ай куню бойле бутюнлей якъыладжакъ къурбанлар кетирильсин.

Сайылар 28:4

Къочкъарнынъ бирини саба, экинджисини акъшам кетиринъиз.

Сайылар 28:7

Эр бир къочкъарнен ярым чанакъ ольчюсинде тёкюледжек бахшышны кетиринъиз. Азиз ерде тёкюледжек бахшыш оларакъ РАББИ ичюн ичкини тёкюнъиз.

Сайылар 29:6

Низамнамеге коре кетирильген янъы айнынъ бутюнлей якъыладжакъ къурбанындан ве ашлыкъ бахшышындан гъайры, эр вакъыттаки бутюнлей якъыладжакъ къурбандан, ашлыкъ бахшышындан ве оларнынъ тёкюледжек бахшыштан гъайры, буларны РАББИге хош къокъу чыкъармакъ ичюн кетиринъиз.

1 Коринтлилерге 4:1

Бойлеликнен, адамлар бизни Месихнинъ хызметчилери ве Алланынъ сырларыны бильдирген бакъыджылар киби, деп сайсынлар.

1 Коринтлилерге 9:13

Алланынъ Сарайында хызмет эткен руханийлер андан аш алып ашагъанларыны бильмейсинъизми? Къурбан еринде хызмет эткенлер къурбанлардан бир пайыны алгъанларыны бильмейсинъизми?

2 Коринтлилерге 11:23

Олар Месихнинъ хызметчилерими? Мен акълымны джойгъан киби айтам: мен олардан буюгим! Иш десенъиз, мен олардан чокъ чалыштым. Зиндан десенъиз, олардан чокъ зинданда яттым. Котек десенъиз, мен олардан чокъ котек ашадым, атта чокъ кере олюмге якъын олдым.

2 Коринтлилерге 3:6

О, бизге янъы васиетнинъ хызметчилери олмагъа къабилиетини берди. Бу васиет язылгъан къанунларгъа дегиль, лякин Алланынъ Рухуна таяна, чюнки язылгъан къанунлар адамларны олюмге алып келе, Рух исе омюр багъышлай.

2 Коринтлилерге 6:4

ве эр бир алда Алланынъ хызметчилери олгъанымызны косьтеремиз: беляларда, хор-факъыр олгъанымызда, къыйын вакъытта чокъ сабыр этемиз,

Сырларнынъ ачылувы 11:3

Мен эки шаатыма къудрет береджегим, ве олар чувал безинден тикильген урбада 1 260 кунь пейгъамберлик япаджакълар.