Даниял 6:3 - Мукъаддес Китап

³ Даниял башкъа виляетлер башлыкъларындан ве баш везирлерден устюн келе эди, чюнки онда юксек рух бар эди. Падиша энди оны бутюн падишалыкъ устюне къоймакъ акъкъында тюшюне эди.

Даниял 6:3 ပူးပေါင်းရင်းမြစ်များ

Узеир 4:22

Мукъайт олунъыз, буны гъайретнен беджеринъиз. Падишаларгъа къаршы зарарлы шейлерни даркъатмагъа не керек?»

Нехемья 7:2

Бундан сонъ мен къардашым Хананийни ве къаленинъ башлыгъы Хананьяны Ерусалимнинъ башлыкълары яптым. О, садыкъ адам эди, ве башкъа адамлардан чокъ Алладан къоркъа эди.

Эстер 10:3

Ехудалы Мордекъай Ахашверош падишадан сонъ экинджи адам эди. Ехудалыларнынъ арасында о, буюк адам эди. О, халкъы ичюн яхшылыкъ къыдыра ве бутюн миллетининъ аманлыгъыны истей эди. Шунынъ ичюн чокъ агъа-къардашлары оны пек севе эдилер.

Икметли сёзлер 17:27

Бильгили адам бошуна лаф сатмаз, анълагъан адам да тынч юреклидир.

Икметли сёзлер 22:29

Ишини усталыкънен эткен адамны корьдинъми? О, адий адамлар огюнде турмаз, падишаларнынъ огюнде турар.

Джемаат башы 2:13

Къаранлыкътан ярыкъ хайырлы олгъаны киби, мен ахмакълыкътан икмет хайырлы олгъаныны корьдим.

Даниял 5:12

Къартбабанъ падиша буны япты, чюнки Даниялда (падиша онынъ адыны Белтешаццаргъа денъиштирген) буюк рух, бильги ве акъыл-идракъ бар эди. О, тюшлерни тарифлеп, сырларны ачып, меселелерни чезип ола. Бойлеликнен, Даниялны чагъыртсынлар. О, онынъ тарифини айтар.

Даниял 5:14

Сенинъ акъкъынъда, сенде аллаларнынъ руху олгъаныны ве сенде эм ярыкъ, эм бильги, эм буюк акъыл олгъаныны мен эшиттим.

Даниял 5:7

Падиша: «Фалджыларны, къасдийлилерни ве ырымджыларны чагъырынъыз», – деп пек къычырды. Падиша айтып башлады ве Вавилоннынъ акъыллы адамларына: – Ким бу языны манъа окъуса ве онынъ манасыны тарифлесе, онъа ал урба кийдириледжек, бойнуна алтын зынджыр такъыладжакъ. О, падишалыкъта учюнджи адам оладжакътыр, – деди.

Даниял 9:23

Сен дуванъны башлагъанынънен, сени пек севгени ичюн, Алла санъа хабер ёллады, ве мен оны бильдирмеге кельдим. Сёзге дикъкъат эт ве руянынъ фаркъына бар.