Чыкъыш 9:31 - Мукъаддес Китап

³¹ Бурчакъ кетенни ве арпаны урды. Арпа энди баш тёккен, кетен чечеклеп башлагъан эди.

Чыкъыш 9:31 ပူးပေါင်းရင်းမြစ်များ

2 Падишалар 21:9

Оларны гивонлыларгъа берди, ве гивонлылар оларны РАББИнинъ огюнде дагъда астылар. Едиси берабер эляк олдылар. Оларны оракъ вакътынынъ биринджи куньлеринде, арпа орулып башлагъанда ольдюрдилер.

Чыкъыш 9:32

Богъдайны ве къызыл богъдайны исе урмады, чюнки олар кечче етиштилер.

Амос 4:9

– Мен сизге къурутыджы ельни, ашлыкъларынъызгъа куфни ёлладым. Багъча ве юзюм багъчаларынъызны, инджир ве зейтюн тереклеринъизни сарынчкъа ашады, лякин сиз Манъа къайтмадынъыз, – дей РАББИ.

Хавакъкъукъ 3:17

Инджир тереги ачмаса да, юзюм пытагъы емиш бермесе де, зейтюн берекет бермесе де, тарлада отьмек етишмесе де, къошта къойлар къалмаса да, аранда тувар къалмаса биле –

Рут акъкъында китап 1:22

Бойлеликнен, Ноомий къайтты, моавлы келини Рут да онен берабер Моав чёллеринден кельди. Олар Вифлеемге арпанынъ оракъ вакъты башлагъанында кельдилер.

Рут акъкъында китап 2:23

Бойледже, Рут Боазнынъ хызметчи къызларынен къалды ве арпа ве богъдайнынъ оракъ вакъты битмегендже, башакъ джыйып юрди. О вакъыт къайнанасында яшай эди.