Чыкъыш 9:24 - Мукъаддес Китап

²⁴ Бурчакъ тюше эди, ве бурчакъ арасында атеш де анда, де мында алевлене эди. Мысыр мемлекети пейда олгъан вакъыттан берли олмагъан, бутюн Мысыр топрагъында бойле баягъы къоркъунчлы бурчакъ ягъды.

Чыкъыш 9:24 ပူးပေါင်းရင်းမြစ်များ

Эюп акъкъында китап 38:23

Мен оларны сыкъынты куньлери ичюн, уруш ве дженк куньлери ичюн сакълайым.

Зебур 105:32

Мерива сувлары янында Алланы гъазапландырдылар, олар ичюн Мусанынъ башына беля кельди.

Зебур 18:13

Ким озь янълышларыны коре билир? Гизли хаталардан мени темизле!

Чыкъыш 10:6

Сарынчкъа эвлеринъни, эписи хызметчилеринънинъ эвлерини, эписи мысырлыларнынъ эвлерининъ ичини толдурыр. Буны не бабаларынъ, не къартбабаларынъ ер юзюнде яшап башлагъан куньлеринден бу куньгедже корьмедилер». Айланып, Муса фыравундан чыкъып кетти.

Чыкъыш 9:18

Бунынъ ичюн, ярын, тамам бу вакъыт, Мысыр дюньягъа кельген вакъыттан берли шимдигедже, анда олмагъан баягъы къоркъунчлы бурчакъны ёлларым.

Чыкъыш 9:23

Муса озь таягъыны кокке тараф котерди. РАББИ кок гурюльтисинен бурчакъны йиберди, ве ер юзю бою атеш даркъалды. Бойле этип, РАББИ Мысыр топрагъына бурчакъны ягъдырды.

Чыкъыш 9:25

Бурчакъ бутюн Мысыр топрагъы бою, тарлаларда олгъан бутюнини: адамдан башлап айвангъадже, – эписини къырды. Тарлада оськен эписи осюмликлерни урды, тарлада оськен эписи тереклерни сындырды.

Ешая 30:30

РАББИ шуретли сесинен гудюрдейджек, буюк ачувнен къолуны котерип, къудретини косьтереджек, йыкъыджы атешни, дешетли боранны, ягъмурны ве ташлы бурчакъны ёллайджакъ.

Ехезкель 1:4

Апансыздан мен кучьлю ель шимальден кельгенини, яшын яшынлагъаныны ве буюктен-буюк булутны алып кетиргенини корьдим. Булут нурлар ичинде эди.

Ехезкель 13:13

Шунынъ ичюн РАББИ-ТААЛЯ шойле дей: – Гъазабымда боран елини йибереджегим, ачувымда ягъмур къуйып ягъаджакъ, хышымымдан таш бурчакълар тюшеджек, ве дивар ёкъ оладжакъ.

Матта 24:21

О вакъытта, дюньянынъ биринджи куньлерден башлап бу куньлерге къадар олмагъан ве даа бир кере олмайджакъ буюк белялар оладжакъ.