Чыкъыш 7:19 - Мукъаддес Китап

¹⁹ Сонъ РАББИ Мусагъа бойле деди: – Агъанъ Харунгъа айт, таягъыны алып, къолуны Мысыр топрагъынынъ сувларына: онынъ озенлерине, сув акъымларына, голлерине ве эписи хавузларына тараф котерсин. Олар къангъа айланырлар, бутюн Мысыр топрагъындаки эм таш, эм агъач савутларында къан олур.

Чыкъыш 7:19 ပူးပေါင်းရင်းမြစ်များ

Башланув 1:10

Алла топракъны «ер» деп адландырды, сув топламыны исе «денъиз» деп адландырды. Алла буны насыл яхшы олгъаныны корьди.

4 Падишалар 4:29

Алланынъ адамы Гехазийге: – Белинъни багъла, элинъе меним таягъымны ал да, бар. Ёлда бирисини расткетирсенъ – селямлашма, сеннен селямлашсалар – селямыны алма. Таягъымны баланынъ бетине къой, – деди.

Чыкъыш 10:12

О вакъыт РАББИ Мусагъа: – Мысыр топрагъына тараф къолунъны узат. Бутюн Мысыр топрагъыны сарынчкъа бассын ве топрагъындаки бутюн отны, бурчакътан аман къалгъан бутюн шейлерни ашасын, – деди.

Чыкъыш 10:21

РАББИ Мусагъа: – Къолунъны кокке тараф узат. Бутюн Мысыр топрагъында къаранлыкъ, сезильген къаранлыкъ олур, – деди.

Чыкъыш 14:16

– Сен исе, таягъынъны котерип, къолунъны денъизге тараф узатып, оны экиге боль. Исраиллилер денъизнинъ ортасында олгъан топракъ устюнден кечерлер.

Чыкъыш 14:21

Муса къолуны денъизге къаршы узатты. РАББИ кучьлю шаркъий ельни уфюртип, бутюн гедже денъиз сувларыны айдады ве денъизни топракъкъа чевирди. Денъиз экиге болюнди,

Чыкъыш 14:26

РАББИ Мусагъа: – Къолунъны денъизге тараф узат. Сувлар арткъа, мысырлыларгъа, оларнынъ арабаларына ве атлыларына къайтырлар, – деди.

Чыкъыш 4:9

– Эгер бу эки аджайип шейге инанмасалар ве сени динълемеселер, о заман дерьядан сув ал да, топракъкъа тёк. Дерьядан алынгъан сув топракъ устюнде къан олур.

Чыкъыш 8:16

Сонъ РАББИ Мусагъа бойле деп айтты: – Харунгъа айт, таягъыны котерип, оны топракъкъа урсун, ве бутюн Мысыр топрагъынынъ тозу боджеклерге айланыр.

Чыкъыш 9:33

Муса, фыравундан кетип, шеэрден чыкъты, къолларыны РАББИге тараф узатты. Аман кок гурюльтисинен бурчакъ токътады, ягъмур да ер юзюне ягъмакъны токътатты.

Ешая 19:10

Мемлекет таянгъан адамлар харап оладжакъ, эписи ыргъатлар рухтан тюшеджек.

Ешая 5:25

Шунынъ ичюн РАББИнинъ гъазабы халкъына къаршы алевленди, Озь къолуны узатып, О, оларны урды. Дагълар титреди, олюлер, чёплюк киби, сокъакъларны толдурды. Бундан сонъ да РАББИнинъ гъазабы тынмады, къолу эп бир узатылгъандыр.

Хавакъкъукъ 3:8

Я РАББИ, гъазабынъ озенлерге эдими? Озенлерге ачувландынъмы ёкъса? Ачувынъ денъизге къозгъадымы? Не ичюн Сен атларынъа миндинъ, душманларны енъеджек арабаларынъда бардынъ?