Чыкъыш 7:10 - Мукъаддес Китап

¹⁰ Муса ве Харун, фыравунгъа келип, РАББИ эмир эткени дайын яптылар. Харун таягъыны фыравун ве онынъ къуллары огюнде ташлады, ве о, йылан олды.

Чыкъыш 7:10 ပူးပေါင်းရင်းမြစ်များ

Зебур 135:9

гедженинъ сабысы олсун деп, ай ве йылдызларны яратты, – акъикъатен эбедийдир Онынъ севгиси!

Чыкъыш 12:28

Исраиль огъуллары кетип, Мусагъа ве Харунгъа РАББИ эмир эткени киби, яптылар.

Чыкъыш 4:3

– Оны ерге ташла, – деди РАББИ. Муса оны ерге ташлады, таякъ йылан олды, ве Муса ондан къачты.

Чыкъыш 7:15

Ярын йылангъа айлангъан таягъынъны къолунъа алып, фыравунгъа бар да, о, сув янына чыкъкъанда, онынъ ёлунда, Нил дерьясы ялысында тур, – деди.

Чыкъыш 7:20

Муса ве Харун, РАББИ оларгъа насыл эмир эткен олса, ойле де яптылар. Харун фыравуннынъ ве къулларынынъ козьлери огюнде озь таягъыны котерип, дерья сувуна урды, ве дерьядаки бутюн сув къангъа айланды.

Чыкъыш 7:6

Муса ве Харун, РАББИ насыл айткъан олса, ойле де яптылар.

Амос 9:3

Къармел дагъынынъ тёпесинде сакълансалар, анда да оларны тапып, тутаджагъым. Козюмнинъ огюнден денъизнинъ тюбюнде гизленселер, денъиз йыланына оларны тишлемеге буюраджагъым.

Марк 16:18

къолларынен йыланларны аладжакълар. Эгер ольдюриджи зеэр ичселер, оларгъа зарар олмайджакъ. Хасталаргъа къолларыны къояджакълар, ве олар сагълам оладжакълар, – деди.

Лука 10:19

Мына, Мен сизге йыланлар ве акъреплер устюне басмагъа ве душманнынъ бутюн кучю устюнден укюмни бердим. Ич бир шей сизге зарар эталмай.