Чыкъыш 40:18 - Мукъаддес Китап

¹⁸ Муса Мескенни къойгъанда, темеллерини къойды, черчивелерини котерди, сырыкъларыны кечирди ве диреклерини къойды.

Чыкъыш 40:18 ပူးပေါင်းရင်းမြစ်များ

2 Падишалар 7:6

Исраиллилерни Мысырдан чыкъаргъан вакъыттан берли шимдигедже бир эвде булунмадым. Чадырда я да Мескенде булунып, бир ерден башкъа ерге кечтим.

Чыкъыш 40:17

Мысырдан чыкъкъанларына экинджи йылнынъ биринджи айындаки биринджи кунюнде Мескен къоюлгъан эди.

Чыкъыш 40:19

Сонъ Мескеннинъ устюнден орьтюни джайратты, орьтюлернинъ устюни, РАББИ эмир эткени киби, даа бир орьтюнен къапатты.

Чыкъыш 40:2

– Биринджи айнынъ биринджи кунюнде Мескенни – Корюшюв Чадырыны къой.

Ешая 33:24

Анда отургъанларнынъ ич бириси: «Мен хастам», – демейджек; анда яшагъан халкънынъ гуналары багъышланаджакъ.

Левийлилер 26:11

Аранъызда Мескенимни къояджагъым, сизден юзюмни чевирмейджегим.

Матта 16:18

Шунынъ ичюн Мен санъа айтам: сен – Пётрсынъ, ве бу къаянынъ устюнде Мен Озь Топлашувымны къураджам. Оны олюлер дюньясынынъ кучьлери биле енъип оламайджакълар.

Юхан 1:14

Сёз джан-тен олды ве бизим арамызда яшап башлады. Биз Онынъ шерефли ишлерини корьдик, Бабасынынъ бирден-бир Олгъанынынъ шерефли ишлерини. О, яхшылыкъкъа ве акъикъаткъа толу эди.

Галатиядакилерге 4:4

Амма вакъты-саати кельгенде, Алла Озь Огълуны, къадындан догъулгъанны ве Къанунгъа бойсунгъанны, ёллады.

1 Тимотейге 3:15

Амма эгер кеч къалсам, Алланынъ Эвинде насыл арекет этмеге биледжексинъ. Алланынъ Эви – Тири Алланынъ джемиетидир, акъикъатнынъ диреги ве таянчыдыр.

1 Пётр 1:5

Сизинъ къуртулышынъыз сонъки вакъытларда ачылмагъа азырдыр. Сиз къуртулынъыз деп, иманынъызгъа коре сизни Алланынъ къудрети къорчалай.

Сырларнынъ ачылувы 21:3

Мен тахттан кельген кучьлю бир сесни эшиттим, о бойле деди: – Энди Алланынъ мекяны адамларнынъ арасында оладжакъ, Алла адамларнен берабер яшайджакъ. Олар Алланынъ халкъы оладжакъ, ве Алла Озю, оларнынъ Алласы, оларнынъ арасында булунаджакъ.