Чыкъыш 39:43 - Мукъаддес Китап

⁴³ Муса оларнынъ бутюн эткен ишини козьден кечирди ве, олар оны тамам РАББИ эмир эткени киби япкъанларыны корип, оларны багъышлады.

Чыкъыш 39:43 ပူးပေါင်းရင်းမြစ်များ

Башланув 1:31

Сонъ Алла Озю яраткъан эр бир шейге бакъты, ве о, керчектен де пек яхшы эди. Акъшам тюшти, саба ачылды – бу, алтынджы кунь эди.

Башланув 14:19

О, Ибрамны бойле сёзлернен багъышлады: – Кок ве ернинъ Яратыджысы олгъан Юдже Алла Ибрамны багъышласын!

2 Падишалар 6:18

Къурбанларны чалып битирген сонъ, Давут халкъкъа Ордуларнынъ РАББИси Адындан эйилик тиледи

3 Падишалар 6:38

Он биринджи йылы, Бул айында, йылнынъ секизинджи айында, бу Сарайнынъ къурулышы бутюн такъымларынен ве бутюн планлаштырылгъан шейлернен битирильди. Сулейман бу Сарайны еди йыл девамында къурды.

3 Падишалар 8:14

Сонъ падиша бетини чевирип, Исраильнинъ бутюн джемаатына яхшылыкъ тиледи. Исраильнинъ бутюн джемааты аякъ устюнде турды. Падиша бойле деди:

3 Падишалар 8:55

Аякъ устюнде турып, исраиллилернинъ бутюн топлашувына яхшылыкъ тилеп, юксек сеснен:

1 Тарих вакъиалары 16:2

Давут бутюнлей якъыладжакъ къурбанлар ве аманлыкъ къурбанларны чалып битирген сонъ, халкъкъа РАББИнинъ Адындан хайыр тиледи.

2 Тарих вакъиалары 30:27

Сонъ левийли руханийлер турды ве халкъкъа яхшылыкъ тиледилер. Оларнынъ сеслери эшитильди, ве дувалары коклерге, Онынъ мукъаддес мескенине барып еттилер.

2 Тарих вакъиалары 6:3

Сонъ падиша бетини чевирип, Исраильнинъ бутюн джемаатына яхшылыкъ тиледи. Исраильнинъ бутюн джемааты аякъ устюнде тура эди.

Нехемья 11:2

Озь истегинен Ерусалимде яшамагъа разы олгъанларны халкъ макътады.

Зебур 104:31

Онынъ эмирине коре тюрлю боджеклер кельди, мемлекетнинъ дёрт тарафыны чиркийлер басып алды.

Чыкъыш 12:28

Исраиль огъуллары кетип, Мусагъа ве Харунгъа РАББИ эмир эткени киби, яптылар.

Чыкъыш 25:9

Эписини Мен санъа шимди косьтереджек планларыма коре этинъиз. Мескенни ве онынъ эписи алетлерини япынъыз.

Чыкъыш 39:42

РАББИ Мусагъа насыл эмир эткен олса, исраиллилер эписи бу ишлерни ойле де яптылар.

Чыкъыш 40:1

РАББИ Мусагъа бойле деди:

Чыкъыш 40:25

РАББИ эмир эткени киби, РАББИнинъ огюнде лампатларны къойды.

Чыкъыш 7:6

Муса ве Харун, РАББИ насыл айткъан олса, ойле де яптылар.

Йирмея 13:5

РАББИ буюргъаны киби, мен кетип, къушакъны Ператкъа якъын бир ерде сакъладым.

Левийлилер 16:34

Бу сиз ичюн эбедий низамнаме олсун: Исраиль халкъынынъ бутюн гуналары ичюн йылда бир кере одеме этсинлер. РАББИ Мусагъа насыл буюргъан олса, ойле де япылгъан эди.

Нун огълу Ехошуа 22:6

Сонъ Ехошуа эр кеске яхшылыкъ тилеп, оларны йиберди, ве олар озь чадырларына къайтып кеттилер.

Нун огълу Ехошуа 22:7

Муса Менашше къабилесининъ ярысына топракъ пайыны Башанда берди, къалгъан ярысына исе Иорданнынъ гъарбий тарафында, агъа-къардашларынен берабер топракъ пайыны берди. Оларны чадырларына йибергенинде, Ехошуа оларгъа яхшылыкъ тилеп: