Чыкъыш 34:22 - Мукъаддес Китап

²² Биринджи богъдай берекетини джыйып, Афталар Байрамыны, я да Биринджи Махсул Байрамыны япынъыз. Берекет джыйылгъан куньлернинъ сонъунда Махсул Джыйылув Байрамыны япынъыз.

Чыкъыш 34:22 ပူးပေါင်းရင်းမြစ်များ

2 Тарих вакъиалары 8:13

Муса буюргъаны киби, о, эм де эр кунь керекли къурбанларны, эм де эр раатлыкъ куню, эм де янъы ай догъгъан куньлеринде, эм де йылда учь кере: Маясыз Пишкен Пите Байрамында, Афталар Байрамында ве Чалашлар Байрамы куньлеринде бутюнлей якъыладжакъ къурбанларны кетире эди.

Чыкъыш 23:14

Йылда учь кере Меним байрамларымны къайд этинъиз.

Чыкъыш 23:16

Тарлада сачкъан Биринджи Махсул Байрамыны япынъыз. Тарладан бутюн берекетинъни джыйгъан сонъ, берекет джыйылув куньлерининъ сонъунда, Махсул Джыйылув Байрамыны япынъыз.

Левийлилер 2:12

Оларны биринджи махсул бахшышы оларакъ РАББИге кетиринъиз, амма хош къокъу даркъатсын деп, оларны къурбан еринде якъмагъа олмаз.

Левийлилер 23:15

Раатлыкъ кунюнинъ экинджи куньден башлап, яни культе салландырыладжакъ кунюнден башлап, еди толу афта сайынъыз.

Левийлилер 23:34

– Исраиль огъулларына бойле айт: Айны единджи айнынъ 15-инджи куню Чалашлар Байрамы олсун. Еди кунь девамында РАББИ ичюн байрам япынъыз.

Сайылар 29:1

Единджи айда, айнынъ биринджи куню мукъаддес топлашувынъыз олсун, ишке янашманъыз. О кунь сизлер ичюн Боразанлар Куню олсун.

Юхан 7:2

Еудийлернинъ Чалашлар Байрамы якъынлаша эди.

Фаалиет 2:1

Берекет Байрамы кельгенде, шегиртлернинъ эписи бир ерде топлашып тура эдилер.

Къануннынъ текрары 16:9

Озюнъе еди афта сай. Пишкен ашлыкъны оракънен орып башлагъан вакътынъдан бу еди афтаны сай.