Чыкъыш 33:9 - Мукъаддес Китап

⁹ Муса Корюшюв Чадырына киргенде, булут диреги энип, Чадырнынъ къапусы огюнде тура эди, ве РАББИ Мусанен лаф эте эди.

Чыкъыш 33:9 ပူးပေါင်းရင်းမြစ်များ

Башланув 17:22

Сонъ Ибраимнен лакъырды этмекни токътатып, Алла ондан кетти.

Башланув 18:33

Ибраимнен лафыны битирген сонъ, РАББИ кетти. Ибраим исе озюнинъ ерине къайтты.

Чыкъыш 25:22

Анда Мен сеннен корюшеджегим ве Шаатлыкъ Сандыгъынынъ устюнде олгъан эки Керувнынъ арасындан, Мерамет Ерининъ устюнден, исраиллилер ичюн эписи эмирлеримни санъа айтаджагъым.

Чыкъыш 31:18

Эки тегиз ташнынъ устьлеринде Озь къолунен эмирлерини язып, РАББИ Синай дагъында Мусанен лафны токътаткъан сонъ, бу Шаатлыкъ ташларыны Мусагъа берди.

Чыкъыш 33:10

Чадырнынъ къапусы огюнде тургъан булут дирегини корьген сайын, бутюн халкъ озь чадыры янында седждеге къапана эди.

Чыкъыш 33:11

Адам достунен лаф эткен киби, РАББИ де Мусанен юзьме-юзь лаф эте эди. Сонъ Муса ордугъа къайта эди, онынъ яш ярдымджысы Нуннынъ огълу Ехошуа Чадырда къала эди.

Чыкъыш 33:8

Эр вакъыт Муса Корюшюв Чадырына ёл алгъанда, бутюн халкъ озь чадырларынынъ къапусы огюне турып, Муса Корюшюв Чадырына кирмегендже, онынъ пешинден бакъып тура эдилер.

Чыкъыш 34:3

Сеннен берабер кимсе котерильмесин, дагънынъ устюнде кимсе корюльмесин. Малларнен къой-эчкилер биле дагънынъ янында отламасын, – деди.

Чыкъыш 34:5

РАББИ булут ичинде энди ве, Мусанынъ янында токътап, «РАББИ» Адыны илян этти.

Чыкъыш 34:9

– Эфендим, эгер менден мемнюн олсанъ, ялварам, Эфендим, бизнен бар. Бу халкъ инат олса да, бизим джинаетлеримизнен гуналарымызны багъышла, ве биз Сенинъ мулькюнъ олайыкъ, – деди.

Ехезкель 3:22

Мен анда олгъанда, РАББИнинъ къолу меним устюмде эди. О, манъа: – Тур да, вадийге чыкъ. Анда Мен сеннен лаф этеджегим, – деди.

Сайылар 11:17

Мен энеджегим ве анда сеннен лакъырды этеджегим. Сенинъ устюнъдеки Рухтан алып, оларгъа береджегим. Сонъ олар халкънынъ юкюни сеннен берабер ташыйджакълар, сен бир озюнъ шу агъырлыкъны бир даа ташымайджакъсынъ.

Сайылар 7:89

Муса РАББИнен лакъырды этмек ичюн Корюшюв Чадырына киргенде, о, Шаатлыкъ Сандыгъынынъ къапагъындан, эки Керувнынъ арасында олгъан Мерамет Еринден чыкъкъан сесни эшите эди. Сес Мусанен, Муса исе сеснен лакъырды эте эди.

Къануннынъ текрары 31:14

Сонъ РАББИ Мусагъа: – Мына, олюм кунюнъ якъынлаша. Ехошуаны чагъыр, Корюшюв Чадырында турунъыз. Мен онъа эмир берейим, – деди. Муса ве Ехошуа келип, Корюшюв Чадырында турдылар.

Къануннынъ текрары 31:15

РАББИ Чадырда булут дирегинде пейда олды. Булут диреги Чадырнынъ кириши янында турды.