Чыкъыш 32:5 - Мукъаддес Китап

⁵ Буны корьген Харун бузавнынъ огюне къурбан ерини къурды ве: – Ярын РАББИге байрам оладжакъ! – деп илян этти.

Чыкъыш 32:5 ပူးပေါင်းရင်းမြစ်များ

3 Падишалар 21:9

Мектюплерде бойле язылгъан эди: «Аштан-сувдан вазгечюв адетининъ башланувыны илян этинъиз ве Навотны халкънынъ огюнде отуртынъыз.

4 Падишалар 10:20

Сонъ Еху: – Баалнынъ адына буюк байрам топлашувыны илян этинъиз, – деди. Топлашувны илян эттилер.

4 Падишалар 16:11

Урия, Ахаз Дамасктан ёллагъан ресим ве плангъа коре къурбан ерини ясады. Падиша Ахаз Дамасктан кельмезден эвель, руханий Урия эписини япты.

2 Тарих вакъиалары 30:5

Бутюн Исраиль топрагъында, Беэр-Шевадан Дангъа къадар, бойле хаберни бильдирмеге къарар бердилер: Исраильнинъ Алласы РАББИге Песах Байрамыны кечирсин деп, халкъ Ерусалимге кельсин. Чюнки чокътан Байрамны язылгъанына коре кечирмей эдилер.

Чыкъыш 10:9

Муса онъа: – Бизде РАББИнинъ байрамы олгъаны ичюн, биз уфакъ балаларымыз ве къартларымызнен, огъулларымыз ве къызларымызнен, къой-эчкилеримиз ве малларымызнен берабер кетеджекмиз, – деди.

Чыкъыш 12:14

Бу кунь сиз ичюн хатырлаткъан кунь олсун: оны РАББИге байрам оларакъ несильден несильге япынъыз. Сиз ичюн бу эбедий эмирдир.

Чыкъыш 17:15

Сонъ Муса РАББИге къурбан ерини къурды, онъа Яхве-Нисси деген ад къойды

Чыкъыш 32:4

Харун оларнынъ къолларындан кетирген алтынларыны алып иритти ве ондан бузав япты. Шу вакъыт олар: – Исраиллилер, мына бизни Мысыр топрагъындан чыкъаргъан алламыз! – дедилер.

Чыкъыш 32:6

Айланыр куню олар саба танъда турдылар ве бутюнлей якъылгъан къурбанларны чалдылар, аманлыкъ къурбанларыны да кетирдилер. Сонъ халкъ ашап-ичмеге отурды, сонъундан да шенъленип ороспуланмагъа башлады.

Хошеа 8:11

Эфраим гуналарыны багъышламакъ ичюн чокъ къурбан ерлерини къургъан олса да, бу къурбан ерлери исраиллилерни гунагъа батырды.

Хошеа 8:14

Исраиль Яратыджысыны унутты, путларгъа ибадетханелерни ясады, Ехуда бир чокъ янына барылмаз шеэрни къурды. Амма Мен оларнынъ шеэрлерине атеш ёллайджагъым, ве о, къалелерини ашап битиреджек.

Левийлилер 23:2

– Исраиль огъулларына РАББИнинъ байрамлары акъкъында бойле айт: Бу байрамлар – РАББИнинъ байрамларыдыр. О вакъытларда азиз топлашувларны япынъыз.

Левийлилер 23:21

О куню илян этинъиз ве мукъаддес топлашув япынъыз. Ишке янашманъыз. Бутюн яшагъан ерлеринъизде сизинъ эписи несиллеринъизге бу – эбедий низамнамедир.

Левийлилер 23:37

Булар – РАББИнинъ байрамларыдыр. Оларнынъ вакътында мукъаддес топлашувларны япмагъа, РАББИге атеште бутюнлей якъыладжакъ къурбанларны, ашлыкъ бахшышларыны, башкъа къурбанларны ве ичимлик бахшышларыны озь вакъты-саатинде кетирмеге керек.

Левийлилер 23:4

Азиз топлашувы олгъан РАББИнинъ байрамлары булардыр. Оларны вакъты-саатинде япынъыз.

1 Коринтлилерге 5:8

Шунынъ ичюн эски маянен, яни яманлыкъ ве ярамайлыкъ маясынен дегиль, маясыз пителернен, яни темизлик ве догърулыкънен байрам япайыкъ.

1 Падишалар 14:35

Шаул исе РАББИге къурбан чалгъан ерни къурды. Бу онынъ тарафындан РАББИге къурулгъан биринджи къурбан ери олды.