Чыкъыш 32:27 - Мукъаддес Китап

²⁷ – РАББИ, Исраильнинъ Алласы бойле деп айта: «Къылычларынъызны алып, орду бою бир башындан экинджи башынадже кечип, агъаларынъызны, достларынъызны, якъынларынъызны ольдюринъиз», – деди.

Чыкъыш 32:27 ပူးပေါင်းရင်းမြစ်များ

4 Падишалар 10:25

Бутюнлей якъыладжакъ къурбанларны кетирип битиргенде, Еху къаравулларгъа ве башлыкъларгъа: – Киринъиз ве оларны ольдюринъиз. Бириси къачып къуртулмасын, – деди. Къаравуллар ве башлыкълар оларнынъ эписини къылычнен ольдюрдилер ве анда аттылар. Сонъра шеэрдеки Баалнынъ путханесине ёл алдылар.

Чыкъыш 32:26

Сонъ Муса ордунынъ къапусы огюнде турып: – Ким РАББИнинъки – яныма келинъиз! – деди. Онынъ чевре-четине бутюн Левий къабилеси топландылар. Муса оларгъа:

Чыкъыш 32:28

Левий къабилесининъ акъайлары Муса айткъаны киби яптылар. О куню халкътан учь бинъге якъын адам ольдюрильди.

Чыкъыш 32:29

Муса оларгъа: – Бугунь, эр биринъиз огъулларынъызны ве агъаларынъызны ольдюрип, озьлеринъизни РАББИге ибадет этмек ичюн айырып элялладынъыз. О, бугунь сизге багъышлав эндирди, – деди.

Ехезкель 9:5

Башкъаларына исе: – Онынъ артындан шеэрни кечип кетинъиз де, къалгъанларны аджымайып, мерамет этмейип ольдюринъиз, – дегенини эшиттим.

Сайылар 25:5

Муса Исраиль къадыларына: – Эр биринъиз озь адамларынъыз арасында Баал-Пеоргъа табынгъанларны ольдюринъиз, – деди.

Лука 14:26

– Эгер Манъа кельген адам озюнинъ ана-бабасыны, апайыны, бала-чагъасыны, агъа-къардашыны, тата-къызкъардашыны ве озь джаныны биле кореджек козю олмаса, о, Меним шегиртим оламаз.

2 Коринтлилерге 5:16

Онынъ ичюн биз энди ич кимсеге адам ольчюсинен къыймет кесип оламаймыз. Эвельден Месихке де адам ольчюсинен къыймет кескен олсакъ да, шимди бойле къыймет кесмеймиз.

Къануннынъ текрары 13:10

Оны ташнен урып ольдюр, чюнки о сени Алланъдан, сени Мысыр топрагъындан, къуллукъ эвинден алып чыкъкъан РАББИден вазгечтирмеге тырышкъан.

Къануннынъ текрары 13:6

Эгер ананънынъ огълу олгъан агъанъ, сенинъ огълунъ, къызынъ, севимли апайынъ, я да джанынъ киби якъын олгъан достунъ: «Айды, башкъа аллаларгъа хызмет этейик», – деп, сени гизли къандырса, санъа ве баба-деделеринъе белли олмагъан аллаларгъа,