Чыкъыш 32:2 - Мукъаддес Китап

² О заман Харун оларгъа: – Апайларынъызнынъ, огъулларынъызнынъ, къызларынъызнынъ къулакъларындан алтын купелерни чыкъарып, манъа кетиринъиз, – деп джевап берди.

Чыкъыш 32:2 ပူးပေါင်းရင်းမြစ်များ

Башланув 24:22

Девелер сувгъа тойгъан сонъ, хызметчи, агъырлыгъы беш грамм олгъан, бурунгъа такъылгъан алтын купе ве къызнынъ къолларына эки дане, агъырлыгъы юз грамм олгъан алтын билезлик алып,

Башланув 24:47

Мен ондан: «Сен кимнинъ къызы оласынъ?» – деп сорадым. О манъа: «Нахор ве Милкъанынъ огълу олгъан Бетуэлнинъ къызы олам», – деди. Сонъ мен бурнуна купе ве къолларына билезликлер бердим.

Чыкъыш 20:23

Меним ериме озьлеринъизге алтын ве кумюш аллаларны япманъыз», – деди.

Чыкъыш 32:3

Бутюн халкъ къулакъларындаки алтын купелерни чыкъарып, Харунгъа кетирди.

Чыкъыш 35:22

Акъайларнен апайлар келип, юреклеринден къопкъан тюрлю алтын шейлерни: инелер, купелер, юзюклер ве боюнджакъларны кетирдилер. Эр кес РАББИге багъышлап алтын кетирди.

Икметли сёзлер 25:12

Динълеген къулакъ ичюн икметли адамнынъ опькеси – алтын купе, темиз алтындан япылгъан ильван кибидир.

Ешая 3:19

купелерини, билезликлерини, дувакъларыны, аткъыларыны, тобукълар ичюн ильванларыны, къушакъларыны, мис шишечиклерини, тылсым боюнджакъларыны,

Ешая 30:22

Сонъ кумюшнен къаплангъан путларынъызны, алтыннен къаплангъан путларынъызны арам деп саяджакъсынъыз, пис шей киби, котерип атаджакъсынъыз, «Кет мындан», – айтаджакъсынъыз.

Ехезкель 16:17

Мен санъа берген, алтын ве кумюшимден япылгъан къыйметли шейлерни алдынъ, олардан эркек путлары япып, оларнен ороспулыкъ эттинъ.

Хошеа 2:8

Мен онъа богъдай, янъы шарап, зейтюн ягъыны бердим, бундан онынъ хабери исе ёкъ эди. Мен онынъ алтын-кумюшини чокълаштырдым, олар исе оларны Баал путуна берди.