1 РАББИ Мусагъа бойле деди:
Муса бутюн Исраиль огъулларынынъ джемаатыны джыйып: – РАББИ мына нени япмагъа эмир этти:
Аранъызда олгъан яхшы усталар келип, РАББИнинъ эмир эткенлерини япсынлар:
Сонъ Муса исраиллилерге бойле деди: – Бакъынъыз, РАББИ Ехуда къабилесинден Хурнынъ торуны, Урийнинъ огълу Бецалелни сайлап алды.
РАББИ Бецалелнен Охолиавгъа ве башкъа адамларгъа Мукъаддес Ерни ве алетлерини къурмакъ ичюн бильги ве усталыкъны берди. Олар эписи бутюн ишни, РАББИ насыл айткъан олса, тамам ойле де япсынлар.
Эр шейни исе, Мусагъа РАББИ эмир эткени киби, Ехуда къабилесинден Хурнынъ торуны, Урийнинъ огълу Бецалел япты.
Олар Сандыкъ, стол, къандиль, къурбан ерлери, хызмет вакътында къулланылгъан мукъаддес савутлар ве бутюн алетлеринен берабер перде ичюн джевапкяр олсунлар.
