Чыкъыш 30:7 - Мукъаддес Китап

⁷ Эр саба лампатларны азырлагъанда, Харун онынъ устюнде къокъулы отларны якъсын.

Чыкъыш 30:7 ပူးပေါင်းရင်းမြစ်များ

1 Тарих вакъиалары 23:13

Амрамнынъ огъуллары: Харун ве Муса. Харун ве онынъ огъуллары эбедиен улу азизликлерни багъышламакъ ичюн, РАББИнинъ огюнде къокъулы отларны якъмакъ, Онъа хызмет этмек ве Онынъ Адынен даима яхшылыкъ тилемек ичюн айырылгъан эдилер.

1 Тарих вакъиалары 6:34

Смаил Элкъананынъ огълу эди, Элкъана Ерохамнынъ огълу эди; Ерохам Элиэлнинъ огълу, Элиэл Тоахнынъ огълу,

2 Тарих вакъиалары 2:3

Сонъ Сулейман Тир падишасы Хурамгъа адам ёллап шойле деди: «Сен бабам Давуткъа эв къурмагъа кедрлер йибердинъ. Онъа ярдым эткенинъ киби, манъа да ярдым эт.

2 Тарих вакъиалары 2:4

Мына мен РАББИ-Таалямнынъ Адына эв къурам. О, Раббиге багъышланаджакъ, ве Онынъ огюнде къокъулы шейлер якъыладжакъ, даима теклиф пителери къоюладжакъ, саба-акъшам бутюнлей якъыладжакъ къурбанлар кетириледжеклер, раатлыкъ куньлери, янъы ай куньлеринде ве РАББИ-Таалямызнынъ тайин эткен байрамларында бутюнлей якъыладжакъ къурбанлар кетириледжеклер. Буларнынъ эписини Исраиль эр вакъыт япмакъ керек.

2 Тарих вакъиалары 26:18

Олар Уззия падишагъа къаршы чыкъып, онъа бойле дедилер: – Уззия, сенинъ РАББИге къокъулы отлар якъмагъа акъкъынъ ёкъ. Бу – руханийлернинъ, якъмагъа ичюн азиз этильген Харун огъулларынынъ ишидир. Сен джинает яптынъ. Шунынъ ичюн Мукъаддес Ерден чыкъ. Алла олгъан РАББИден санъа итибар олмайджакъ!

2 Тарих вакъиалары 29:7

Олар Эйваннынъ къапусыны къапаттылар, къандиллерни сёндюрдилер, Исраиль Алласынынъ Азиз Еринде къокъулы отлар якъмадылар ве бутюнлей якъыладжакъ къурбанлар кетирмедилер.

Зебур 141:2

Онынъ огюне къасеветлеримни тёктим, къайгъыларымны Онъа ачып бердим.

Чыкъыш 30:34

РАББИ Мусагъа даа бойле деди: – Озюнъе мис къокъулы шейлерден ал: натаф сакъызыны, шехелетни, гузель къокъулы галбанны, темиз къара майны, эписи бир ольчюде олсун.

Чыкъыш 30:6

Отларны якъмакъ ичюн ерни Шаатлыкъ Сандыгъыны къапаткъан перденинъ огюне къой. О, Шаатлыкъ Сандыгъынынъ къапусына – Мерамет Ерине къаршы турсун. Анда Мен сеннен корюширим.

Чыкъыш 30:8

Акъшам да, лампатларны якъкъанда, оларны якъсын. Къокъулы отлар РАББИнинъ огюнде несильден несильге якъылсынлар.

Чыкъыш 40:27

РАББИ онъа эмир эткени киби, ернинъ устюнде мис къокъулы отларны якъты.

Левийлилер 6:5

Эгер о, ялан шейде емин этсе, бутюнлей одев тёлемек керек. Бунъа одевнинъ беш пайда бир пайыны къошсун ве къабаат ичюн къурбанны кетиргенде, оны одевни алмагъа акъкъы олгъан адамгъа къайтарсын.

Сайылар 16:40

Исраиль огъулларына бу, хатырлатув олды: Харуннынъ эвлятларындан гъайры башкъа ич кимсе РАББИнинъ огюнде къокъулы отларны якъмагъа якъынлашмасын. Ёкъса, РАББИ Мусагъа айткъанына коре Къорахнен ве аркъадашларынен олгъан шей шу адамнен де оладжакътыр.

Сайылар 7:56

къокъулы отлардан япылгъан якъыладжакъ ягъгъа толу олгъан 100 грамм агъырлыгъында бир алтын пиала;

Лука 1:9

Руханийлернинъ адети боюнджа джереп чекип, Зекъарья Алланынъ Сарайына кирди ве къокъулы отларны якъа башлады.

Фаалиет 6:4

Бизлер исе дуваларнен ве Алланынъ Сёзюни огретюв хызметинен мешгъуль олайыкъ, – дедилер.

Къануннынъ текрары 33:10

Олар Якъупны къарарларына огретирлер, Исраильни – Сенинъ Къанунынъа. Олар огюнъде къокъулы отларны якъарлар, къурбан еринъе айванларны бутюнлей къоярлар.

1 Падишалар 2:28

Эписи Исраиль къабилелеринден Озюме руханий оларакъ къурбан ерине якъынлашмагъа, къокъулы отларны якъмагъа, Меним огюмде эфод кийип юрмек ичюн, деденъни сайлап алдым. Исраиль огъуллары чалгъан ве якъкъан къурбанларнынъ къысмыны да деденънинъ эвине бердим.

1 Падишалар 3:3

Смаил исе РАББИнинъ Сарайында, Алланынъ Сандыгъы олгъан одада яткъан, Алланынъ къандили даа яна, сёндюрильмеген эди.