Чыкъыш 30:34 - Мукъаддес Китап

³⁴ РАББИ Мусагъа даа бойле деди: – Озюнъе мис къокъулы шейлерден ал: натаф сакъызыны, шехелетни, гузель къокъулы галбанны, темиз къара майны, эписи бир ольчюде олсун.

Чыкъыш 30:34 ပူးပေါင်းရင်းမြစ်များ

Нехемья 13:5

ве буюк бир ханени онъа айырып берди. Шу ханеге исе эвель ашлыкъ бахшышларыны, темиз къокъулы майны ве савутларны, захиренинъ, янъы шарапнынъ ве зейтюн ягъынынъ онда бир пайыны къоя эдилер. Булар къанун боюнджа левийлилернинъ, йырджыларнынъ ве къапу къаравулларынынъ пайлары ве руханийлерге кетирильген бахшышлар эди.

Чыкъыш 25:6

къандиль ичюн зейтюн ягъы, чешит тюрлю шейлерни ягъламакъ ичюн зейтюн ягъына къошулгъан гузель къокъулы шейлер ве якъмакъ ичюн къокъулы отлар;

Чыкъыш 30:23

– Энъ яхшы гузель къокъулы шейлерден: суву сербест акъкъан мюрден беш кило, гузель къокъулы тарчындан онынъ ярысы къадар олсун, я да эки бучукъ кило, гузель къокъулы къамыштан да эки бучукъ кило,

Чыкъыш 30:33

Ким онъа ошагъан къокъулы ягъ азырласа я да онен башкъа адамны ягъласа, халкъындан ёкъ этилир».

Чыкъыш 30:35

Олардан усталыкънен якъмакъ ичюн теркипни яса. О, тузлу, темиз ве мукъаддес олсун.

Чыкъыш 30:7

Эр саба лампатларны азырлагъанда, Харун онынъ устюнде къокъулы отларны якъсын.

Чыкъыш 31:11

Мукъаддес Ерде бир шей ягъламакъ ичюн ягъны ве якъмакъ ичюн гузель къокъулы отлардан япылгъан ягъны – эписини Мен санъа эмир эткенлерим киби япсынлар.

Чыкъыш 35:15

къокъулы отларны якъмакъ ичюн ерни, онынъ сырыкъларыны, бир шей ягъламакъ ичюн зейтюн ягъыны, къокъулы ягъны, Мескеннинъ къапусына асыладжакъ пердени;

Чыкъыш 37:29

Сонъ якъмакъ ичюн мукъаддес ягъны азырлады ве буюк усталыкънен тер-темиз мис къокъулы ягъны япты.

Энъ яхшы йыр 3:6

– Бу ким экен чёльден чыкъаята? Тютюн диреклери киби, котериле, мюр ве темиз къокъулы мискънинъ, алыш-веришчилернинъ тюрлю къокъулы шейлерининъ къокъусыны даркъата.

Ешая 43:23

Бутюнлей якъыладжакъ къурбан оларакъ, Манъа озь къозуларынъны кетирмединъ, шуретиме къурбанларынъны чалмадынъ. Манъа ашлыкъ бахшышларыны кетирмеге сени хызмет эттирмедим, къокъулы отларны якъмагъа зорламадым.

Левийлилер 16:12

РАББИнинъ огюндеки къурбан еринден къорларны алсын, комюр табагъына толдурсын, уфалгъан хош къокъулы отлардан эки толу авуч алып, перде артына кирсетсин.

Левийлилер 2:1

Бир кимсе РАББИге ашлыкъ бахшышыны кетиргенде, бахшышы энъ яхшы богъдай унундан олсун. Адам уннынъ устюне зейтюн ягъыны акъызсын ве темиз къокъулы майны къойсун.

Левийлилер 2:15

Устюне зейтюн ягъыны тёк ве темиз къокъулы майны къой. Будыр – ашлыкъ бахшышы.

Левийлилер 24:7

Эр бир сыра устюне темиз къокъулы май къой. Бу, эслетме оларакъ, пите янында олып, РАББИге атеште якъыладжакъ бахшыш олсун.

Левийлилер 5:11

Эгер адам эки кийик гогерджинни я да эки гогерджин баласыны алып кетирип оламаса, гунасы ичюн къурбан оларакъ энъ яхшы богъдай унунен толу чанакъ кетирсин. Уннынъ устюне зейтюн ягъыны къоймасын, темиз къокъулы майны да тёкмесин, чюнки бу – гуна ичюн къурбандыр.

Сайылар 4:16

Руханий Харуннынъ огълу Элазар къандиль ичюн зейтюн ягъы, якъыладжакъ къокъулы отлар, эр вакъыттаки ашлыкъ бахшышлары ве ягъламакъ ичюн зейтюн ягъы, бутюн Мескен, бутюн ичиндеки шейлер ве бутюн шейлеринен берабер Мукъаддес Ер ичюн джевапкяр олсун.

Сайылар 7:14

къокъулы отлардан япылгъан якъыладжакъ ягъгъа толу олгъан 100 грамм агъырлыгъында бир алтын пиала;

Матта 2:11

Эвге кирип, Баланы ве Онынъ анасы Мерьемни корьдилер де, тиз чёкип, Онъа бель буктилер. Сонъ хазинелерини ачып, Онъа алтын, либан ве мюр багъышладылар.