Чыкъыш 30:18 - Мукъаддес Китап

¹⁸ – Абдест алмакъ ичюн тунч савут ве тунч саджаякъ яп. Савутны Корюшюв Чадырынен къурбан ерининъ арасына къойып, ичини сувгъа толдур.

Чыкъыш 30:18 ပူးပေါင်းရင်းမြစ်များ

3 Падишалар 7:23

Сонъра Хирам къуюлгъан бакъырдан «Денъиз» адландырылгъан бир хавуз ясады. Хавуз бир тарафындан экинджи тарафына къадар беш метр эди, эки бучукъ метр юксекликте ве чевреси 15 метр эди.

3 Падишалар 7:38

Бундан гъайры, ювмакъ ичюн Хирам он дане бакъыр леген япты. Эр бирининъ ичине 40 буюк къопкъа сув сыгъа эди. Эр бир леген экишер метр кенълигинде эди. Эр леген аякъларнынъ биринде ерлеше эди.

2 Тарих вакъиалары 4:2

Сонъ Сулейман къуюлгъан бакъырдан «Денъиз» адландырылгъан бир хавуз ясады. Хавуз бир тарафындан экинджи тарафына къадар беш метр олып, тёгерек эди. Эки бучукъ метр юксекликте эди, ве онынъ чевреси 15 метр эди.

2 Тарих вакъиалары 4:6

Сонъ он дане леген япты. Оларнынъ беш данесини сагъ тарафтан, беш данесини де сол тарафтан къойды. Бутюнлей якъыладжакъ къурбанларны мында ювмакъ керек эди. «Денъиз» исе, руханийлер мында ювунсынлар деп, олар ичюн япылгъан эди.

Чыкъыш 30:17

Даа РАББИ Мусагъа бойле деди:

Чыкъыш 31:9

айванларны бутюнлей якъмакъ ичюн къурбан ерини эписи алетлеринен, савутны саджаягъынен,

Чыкъыш 38:8

Абдест алмакъ ичюн савутны ве саджаягъыны Корюшюв Чадырынынъ янында хызмет эткен апайларнынъ кузьгюлерининъ тунчундан ясады.

Чыкъыш 40:7

Абдест алмакъ ичюн савутны Корюшюв Чадырынен къурбан ерининъ арасына къойып, ичини сувгъа толдур.

Джемаат башы 5:1

Бир шей айтмагъа ашыкъма, Алланынъ огюне бир шей кетирмеге чапма. Алла кокте, сен исе ердесинъ. Шунынъ ичюн чокъ лаф этме.

Левийлилер 8:11

Бу ягъны еди кере къурбан ерининъ чевре-четине септи ве сонъ ягънен къурбан якъыладжакъ ерни, эм бутюн алетлерини, эм савутны ве онынъ саджаягъыны ягълады ве бойле этип, оларны эляллады.

Зекерья 13:1

О куню Давутнынъ сою ичюн ве Ерусалимде яшагъанлар ичюн бир чокъракъ ачыладжакъ. Онынъ ярдымынен адамларгъа гуналарындан ве арамлыкъларындан темизленмеге мумкюн оладжакъ.

Титке 3:5

О, бизни къуртарды. Япкъан инсафлы ишлеримиз ичюн дегиль, Озю мераметли олгъаны ичюн къуртарды, сувнен ювып, янъыдан яратты, Мукъаддес Рух ярдымынен бизге янъы омюр берди.

1 Юхан 1:7

Амма О, Озю ярыкъта олгъаны киби, биз де ярыкъта юрсек, бизим араларымыз якъын олур ве Онынъ Огълу Исанынъ къаны бизни эр бир гунадан темизлер.