Чыкъыш 30:13 - Мукъаддес Китап

¹³ Эр сайылгъан адам ярым кумюш бермек керек. (Бир кумюшнинъ чекиси мукъаддес шекель чекисинде олсун. Бир шекельде йигирми гера бар.) Бу акъча – РАББИге бахшыштыр.

Чыкъыш 30:13 ပူးပေါင်းရင်းမြစ်များ

Башланув 23:15

– Эфендим, динълесе! Бу ер 400 кумюш тура – бизим арамызда бу акъча олурмы? Дефн эт кечинген апайынъны.

4 Падишалар 12:4

Ёаш руханийлерге: – РАББИнинъ Сарайына багъышланып кетирильген бутюн кумюшни: адам башындан алынгъан кумюшни, адакълангъан кумюшлерни ве адамларнынъ озьлери истеп берген кумюшлерни РАББИнинъ Сарайында топланъыз.

4 Падишалар 12:5

Руханийлер хазинеджилерден кумюш алсынлар, Сарайнынъ бирде-бир бозулгъан ерини тапып, тюзетильмесине масраф этсинлер, – деди.

Чыкъыш 30:14

Йигирми яшындан ве ондан буюк олгъан эр сайылгъанлар РАББИге бу акъчаны бермек керектир.

Чыкъыш 38:24

Мукъаддес Ернинъ эписи алетлерининъ къурулмасына бахшыш этилип масраф этильген алтын, мукъаддес шекель чекисине коре, къарарнен 880 кило эди.

Чыкъыш 38:26

Оны 20 яшындан буюк олгъан, саювгъа тюшкен 603 550 адамдан джыйгъан эдилер, бир адам башына, мукъаддес шекель чекисине коре, беш грамм.

Ехезкель 45:12

Бир шекельде – 20 гера, бир манеде 60 шекель олсун.

Левийлилер 27:25

Эр кескен къыйметинъ мукъаддес шекельнинъ чекисине коре эсасланмакъ керек. Бир шекельде йигирми гера бар.

Левийлилер 27:3

20 яшындан 60 яшынадже олгъан эркекнинъ фияты, мукъаддес шекель чекисине коре, 50 кумюш олсун.

Левийлилер 5:15

– Бир адам бильмейип, РАББИнинъ азизликлерине къаршы гуна япып, имансыз арекет этсе, къабааты ичюн РАББИге къой сюрюсинден къусурсыз къочкъарны кетирсин. Онынъ кумюш фияты мукъаддес шекель чекисине коре, сен бильдирген акъкъынъа тенъ кельсин. Бу – къабаат ичюн къурбандыр.

Сайылар 18:16

Бир айлыкъ чагъында олгъанда, олар ичюн беш кумюш акъча берильсин. Бир кумюшнинъ чекиси мукъаддес шекель чекисинде олсун. Бир шекельде йигирми гера бар.

Сайылар 3:47

адам башына бешер кумюш ал. Кумюшнинъ чекиси мукъаддес шекель чекисинде олсун, бир шекельде йигирми гера бар.

Сайылар 7:67

Онынъ бахшышлары булардыр: 1 300 грамм агъырлыгъында бир кумюш чанакъ, 700 грамм агъырлыгъында бир буюк кумюш къаде (оларнынъ чекиси мукъаддес шекель чекисинде эди; ашлыкъ бахшышы ичюн, оларнынъ экиси де зейтюн ягъынен къарыштырылгъан энъ яхшы богъдай унуна толу эдилер);

Сайылар 7:86

къокъулы отлардан япылгъан якъыладжакъ ягъгъа толу олгъан 100 грамм агъырлыгъында алтын пиалалар – 12 дане (оларнынъ чекиси мукъаддес шекель чекисинде эди; эписи оларакъ алтын пиалаларнынъ агъырлыгъы 1 200 грамм эди);

Матта 17:24

Олар Къафарнаумгъа кельгенлеринде, Алла Сарайынынъ салымыны топлайыджылар Пётрнынъ алдына келип: – Сизлернинъ Оджанъыз Сарай салымыны береми? – деп сорадылар. Пётр: – Бере! – деди.

Матта 21:12

‌Иса Алланынъ Сарайына келип, анда алыш-вериш япкъанларнынъ эписини къувып чыкъарды. Акъча алмаштырыджыларнынъ масаларыны, гогерджин сатыджыларнынъ курсюлерини авдарып йиберди.

Матта 27:24

Пилат ич бир шей ярдым этмегенини, аксине исьян котериледжегини корип: – Мен бу адамнынъ къаны тёкюледжегинде къабаатлы дегилим. Бу ишни озьлеринъиз бакъынъыз! – деди де, халкънынъ козю огюнде сув кетиртип, эллерини ювды.