Чыкъыш 30:12 - Мукъаддес Китап

¹² – Исраиллилерни сайгъанынъда, эр бири джаны ичюн РАББИге одеме тёлесин. Сонъ оларны сайгъанда, араларында веба олмаз.

Чыкъыш 30:12 ပူးပေါင်းရင်းမြစ်များ

1 Тарих вакъиалары 21:1

Сонъра Шейтан Давуткъа къаршы турып, оны Исраиль халкъыны сайып чыкъмагъа къозгъады.

1 Тарих вакъиалары 21:12

сенинъ мемлекетинъде учь йыл девамында ачлыкъ оладжакъмы, я сен учь ай девамында артынъдан къувалагъан душманларынънынъ къылычындан къачып юреджексинъми, я да мемлекетинъде учь кунь девамында РАББИнинъ къылычы ве РАББИнинъ мелеги дешетли хасталыкътан бутюн Исраиль топрагъындаки адамларны ёкъ этеджекми?» Энди тюшюнип, джевап бер, мени Йибергенге насыл джевап берейим.

1 Тарих вакъиалары 21:14

Сонъ РАББИ исраиллилернинъ башына веба хасталыгъыны йиберди. Исраиллилернинъ 70 000 кишиси ольди.

1 Тарих вакъиалары 21:3

Ёав падишагъа: – РАББИ Озь халкъыны шимдикисинден юз къат зияделештирсин. Эфендим, олар эписи эфендим падишанынъ къуллары дегильми я? Эфендим, санъа буны бильмеге не керек? Не ичюн Исраильни гунагъа батырмагъа истейсинъ? – деди.

1 Тарих вакъиалары 27:24

Церуя огълу Ёав халкъны саймагъа башлагъан эди, амма сайып битирмеди. Алланынъ гъазабы исраиллилерге тюшкени ичюн, шу сайынынъ нетиджеси Давут падишанынъ тарих китабына кирмеди.

2 Тарих вакъиалары 24:6

Падиша оларнынъ башлыгъы Ехояданы чагъыртты ве ондан: – Не ичюн сен левийлилерге Ерусалимден ве Ехудадан берги топлап кетирмеге буюрмайсынъ? – деп сорады. – РАББИнинъ къулу Муса ве бутюн джемаат бу бергини Шаатлыкъ Чадыры ичюн исраиллилерден топламагъа буюрдылар.

2 Тарих вакъиалары 24:9

Сонъ Ехудада ве Ерусалимде РАББИге берги кетирмеге хабер эттилер. Алланынъ къулу Муса бу бергини исраиллилерден топламагъа сахрада буюрды.

Эюп акъкъында китап 33:24

онъа мерамет косьтерсе ве: «Оны мезардан къуртар, мен онынъ ичюн одеме таптым», – десе,

Эюп акъкъында китап 36:18

Эгер сенинъ мыскъылларынъ чокълашса, Алланынъ хышымы башынъа тюшер, ве буюк къапар биле сени къуртармаз.

Зебур 49:7

«Эй, халкъым, динъле, Мен айтаджагъым! Эй, Исраиль, санъа къаршы шаатлыкъ береджегим. Мен – Аллам, Сенинъ Алланъ.

Чыкъыш 30:11

Сонъ РАББИ Мусагъа даа бойле деди:

Сайылар 31:49

онъа: – Биз, къулларынъ, бизим къолумызда олгъан аскерлерни сайдыкъ. Ич бир адам гъайып олмады.

Сайылар 31:50

Биз РАББИге бахшыш оларакъ тапылгъан алтын шейлерден билек ильванларыны, билезликлерни, юзюклерни, купелерни, кулонларны кетирдик. Буларны РАББИмизнинъ огюне джанларымыз ичюн одеме этмеге кетирдик, – дедилер.

Матта 20:28

Шойле де Инсан Огълу, Озюне хызмет эттирмек ичюн кельмеди. Озю хызмет этмек ве Озь джаныны къурбан этип, чокътан-чокъларны къуртармакъ ичюн кельди, – деди.

Марк 10:45

Инсан Огълу да Озюне хызмет эттирмек ичюн кельмеди, Озю хызмет этмек ве Озь джаныны къурбан этип, чокътан-чокъларны къуртармакъ ичюн кельди, – деди.

1 Тимотейге 2:6

О, эписи адамлар ичюн Озюни одеме оларакъ берди. Шу, озь вакъты-саатинде кельген шаатлыкъ олды.