Чыкъыш 3:5 - Мукъаддес Китап

⁵ – Якъын кельме, – деди Алла. – Аякъларынъдан аякъкъапларынъны чыкъар. Сен тургъан ер – мукъаддес ердир.

Чыкъыш 3:5 ပူးပေါင်းရင်းမြစ်များ

Чыкъыш 19:12

Халкъ ичюн дагънынъ чевре-четине сызыкъ сыз ве: «Дагъгъа чыкъмагъа ве онынъ этегине токъунмагъа сакъынынъыз. Дагъгъа токъунгъан эр кимни ольдюринъиз,

Чыкъыш 19:21

РАББИ Мусагъа: – Тюшип, халкъкъа, олар РАББИни корьмеге, Онъа къаршы ынтылмасынлар ве олардан чокъусы гъайып олмасынлар деп, анълат.

Чыкъыш 4:28

Муса Харунгъа оны ёллагъан РАББИнинъ эписи сёзлерини айтып берди, ве Онынъ эмир эткен эписи аляметлери акъкъында икяе этти.

Джемаат башы 5:1

Бир шей айтмагъа ашыкъма, Алланынъ огюне бир шей кетирмеге чапма. Алла кокте, сен исе ердесинъ. Шунынъ ичюн чокъ лаф этме.

Йирмея 30:21

Ёлбашчысы озьлеринден бири оладжакъ, падишасы араларындан чыкъаджакъ. Оны озюме якъынлаштырырым, О да Манъа якъынлашаджакъ. Манъа озю-озюнден якъынлашмагъа кимнинъ джесюрлиги етеджек? – дей РАББИ.

Левийлилер 10:3

Муса Харунгъа бойле деди: – РАББИ: «Манъа якъынлашкъан адамларда азизлигимни косьтеририм, бутюн халкънынъ огюнде шуретли олурым», – дегенде, буны козьде тута эди. Харун индемеди.

Фаалиет 7:33

Рабби онъа: – Аякъларынъдан аякъкъапларынъны чыкъар. Сен тургъан ер – мукъаддес ердир.

Къануннынъ текрары 23:14

Сени къуртаргъан, душманларынъны къолунъа берген Алланъ олгъан РАББИ ордунъда юре. Онынъ ичюн ордунъ азиз олсун. Ёкъса РАББИ насылдыр къапатылмагъан айыплыкъны корип, сенден кетеджек.

Еудийлерге 12:20

«Дагъгъа токъунгъан эр кимни, айванны биле ташларнен ольдюринъиз», – буюргъанына олар даянып оламадылар.

Нун огълу Ехошуа 5:15

РАББИнинъ ордусынынъ ёлбашчысы Ехошуагъа: – Аякъларынъдан аякъкъапларынъны чыкъар, чюнки тургъан еринъ азиздир, – деди. Ехошуа бойле де япты.

2 Пётр 1:18

Онен берабер азиз дагъда олгъанымызда, коктен кельген бу сесни биз озюмиз эшиттик.