Чыкъыш 3:4 - Мукъаддес Китап

⁴ РАББИ онынъ бакъмагъа кельгенини корьди. Чалынынъ ортасындан Алла оны: – Муса! Муса! – деп чагъырды. – Мен мындам! – деди Муса.

Чыкъыш 3:4 ပူးပေါင်းရင်းမြစ်များ

Башланув 22:1

Бу вакъиалардан сонъ, бир кунь Алла Ибраимни сынады. – Ибраим! – деди Алла. – Мен мындам, – деди о.

Башланув 22:11

Лякин РАББИнинъ Мелеги коктен оны: – Ибраим, Ибраим! – деп чагъырды. – Мен мындам, – деди Ибраим.

Башланув 28:16

Якъуп юкъудан уянды ве: – Керчектен де бу ерде РАББИ бар! Мен исе бильмей эдим я! – деди.

Башланув 46:2

Геджеси тюшюнде Алла Исраильге: – Якъуп! Якъуп! – деди. – Мен мындам, – деди о.

Зебур 62:11

Олар къылычтан олюм кореджеклер, кийик копеклерге аш оладжакълар.

Чыкъыш 19:3

Муса Алланынъ огюне котерильди. РАББИ дагъдан оны чагъырып: – Якъупнынъ эвлятларына, Исраиль огъулларына бойле деп айт ве хабер эт:

Чыкъыш 3:2

Тикенли чалынынъ ортасындан онъа атешнинъ алевинде РАББИнинъ Мелеги пейда олды. Муса тикенли чалы атешнен янгъаныны, амма янып битмегенини корьди.

Чыкъыш 33:12

Муса РАББИге бойле деди: – Сен манъа: «Бу халкъкъа ёлбашчылыкъ эт», – деп айтасынъ, амма меннен кимни йибереджегинъни манъа ачмайсынъ. Сен манъа даа: «Сени пек яхшы билем, сенден мемнюним», – айткъан эдинъ.

Чыкъыш 4:5

– Бунынъ ичюн РАББИ, бабаларынынъ Алласы, Ибраимнинъ Алласы, Исхакънынъ Алласы ве Якъупнынъ Алласы санъа корюнгенине инансынлар.

Левийлилер 1:1

РАББИ Мусаны чагъырып, онъа Корюшюв Чадырындан бойле деди:

Фаалиет 10:13

Бир сес онъа: – Пётр, тур да, сой ве аша! – деди.

Фаалиет 10:3

Куньлернинъ биринде саат учьлерде, о, руяда онынъ алдына Алланынъ бир мелеги кельгенини ачыкътан-ачыкъ корьди. Мелек онъа: – Корнелий! – деди.

Фаалиет 9:4

Саул ерге йыкъылып: – Саул, Саул! Сен Мени не ичюн айдайсынъ? – деген сесни эшитти.

Къануннынъ текрары 33:16

топракънынъ энъ яхшысыны ве онынъ боллугъыны берсин. Тикенли чалыда Булунгъаннынъ разылыгъы Юсуфнынъ башына, агъа-къардашларындан сайлангъан бирисининъ манълайына олсун.

1 Падишалар 3:10

РАББИ кельди ве о сеферлери киби: – Смаил, Смаил! – деп чагъырды. Смаил: – Айт, РАББИ. Сенинъ къулунъ Сени динълей, – деди.

1 Падишалар 3:4

РАББИ Смаилни чагъырды. – Мен мындам! – деп джевапланды Смаил.

1 Падишалар 3:6

РАББИ экинджи кере Смаилни чагъырды. Смаил турып, кене Элийге кельди ве: – Мен мындам. Сен мени чагъырдынъ! – деди. Элий исе: – Огълум, мен сени чагъырмадым. Къайт, еринъе ят, – деди.

1 Падишалар 3:8

РАББИ Смаилни учюнджи кере чагъырды. Смаил турып, Элийге кельди ве: – Мен мындам! Сен мени чагъырдынъ! – деди. Сонъ Элий, генчни РАББИ чагъыргъаныны анълады