Чыкъыш 29:9 - Мукъаддес Китап

⁹ башларына сарыкъ багъла. Харун ве огъулларынынъ беллерине къушакълар багъла. Эбедий низамнаме боюнджа руханийлик оларнынъ оладжакътыр. Бойле эттирип, Харуннен огъулларыны руханийликке айырып азиз эт.

Чыкъыш 29:9 ပူးပေါင်းရင်းမြစ်များ

Чыкъыш 27:21

Харун ве онынъ огъуллары Корюшюв Чадырында, Шаатлыкъ Сандыгъыны сакълагъан перденинъ огюнде, РАББИнинъ огюнде къандильни акъшамдан сабагъадже якъсынлар. Бу исраиллилерге ве оларнынъ эвлятларына эбедий низамнамедир.

Чыкъыш 28:1

Исраиль огъулларындан олгъан Харун агъанъны ве огъланларыны озюнъе чагъыр. Харун ве онынъ Надав, Авиху, Элазар ве Итамар деген огъуллары Меним руханийлерим олсунлар.

Чыкъыш 32:29

Муса оларгъа: – Бугунь, эр биринъиз огъулларынъызны ве агъаларынъызны ольдюрип, озьлеринъизни РАББИге ибадет этмек ичюн айырып элялладынъыз. О, бугунь сизге багъышлав эндирди, – деди.

Чыкъыш 40:15

Бабалары киби, оларны ягънен ягъла. Сонъ олар руханий оларакъ Манъа хызмет этеджеклер. Бойле этип, ягънен ягъланып, олар ве оларнынъ эвлятлары эбедиен руханий оладжакълар.

Левийлилер 8:1

РАББИ Мусагъа бойле деди:

Левийлилер 8:13

Сонъ Муса Харуннынъ огъулларыны огге чыкъарып, устьлерине тюп урбаларны кийдирди ве беллерини къушакъларнен багълады, башларына сарыкълар багълады. Бу, РАББИнинъ Мусагъа буюргъаны эди.

Левийлилер 8:33

Азиз этилювинъизнинъ куньлери толсун деп, еди кунь девамында Корюшюв Чадырынынъ кириши янында олунъыз. Сизинъ азиз этилювинъиз еди кунь девам этсин.

Сайылар 16:10

РАББИ сени ве сеннен берабер агъа-къардашларынъны, Левийнинъ огъулларыны Озюне якъынлаштырды. Сиз даа руханийликни де истейсинъизми?

Сайылар 16:35

О вакъыт РАББИден атеш чыкъты ве комюр табакъларыны кетирген 250 адамны якъып ёкъ этти.

Сайылар 16:40

Исраиль огъулларына бу, хатырлатув олды: Харуннынъ эвлятларындан гъайры башкъа ич кимсе РАББИнинъ огюнде къокъулы отларны якъмагъа якъынлашмасын. Ёкъса, РАББИ Мусагъа айткъанына коре Къорахнен ве аркъадашларынен олгъан шей шу адамнен де оладжакътыр.

Сайылар 18:7

Лякин тек сен ве огъулларынъ къурбан еринен перденинъ артындакинен багълы руханийлик вазифелерини беджеринъиз ве хызметинъизни этинъиз. Руханийлик хызметини Мен сизге бахшыш оларакъ берем. Сизден башкъа эр ким якъынлашып хызмет этсе, ольдюриледжек.

Сайылар 25:13

Шу васиет онъа ве онынъ эвлятларына эбедий руханийлик васиети оладжакъ. О, Алласы ичюн гъайретни косьтерди ве Исраиль огъуллары ичюн одеме этти, – деди.

Сайылар 3:10

Харунны ве онынъ огъулларыны руханийлик вазифесине къой. Олардан башкъа бирев бу хызметни япса, ольдюриледжектир.

Къануннынъ текрары 18:5

Алланъ олгъан РАББИ оларны эписи къабилелеринъден сайлап алгъан. Олар ве эвлятлары омюрбилля турып, РАББИнинъ Ады ичюн хызмет этсинлер.

Къадылар 17:5

Шу адамнынъ, Микъанынъ, озь ибадетханеси бар эди. О, эфод ве кичик путлар яптырып, огъулларынынъ бирини руханийлик этмеге багъышлады.

1 Падишалар 2:30

РАББИ, Исраильнинъ Алласы бойле дей: Мен о вакъыт дедим ки, сенинъ ве бабанънынъ эви эбедиен Меним руханийлерим оладжакълар. Лякин энди бойле олмайджакъ. Манъа урьмет эткен адамларгъа Мен де урьмет этеджегим, Мени бир шей ерине корьмегенлерни исе Мен де бир шей ерине корьмейджегим.