Чыкъыш 29:30 - Мукъаддес Китап

³⁰ Корюшюв Чадырына кирип, Мукъаддес Ерде РАББИге ибадет этмек ичюн, Харуннынъ огъулларындан олгъан янъы баш руханий еди кунь девамында бу урбаларны кийсин.

Чыкъыш 29:30 ပူးပေါင်းရင်းမြစ်များ

Башланув 8:10

Даа еди кунь беклеп, о, гогерджинни бир даа йиберди.

Башланув 8:12

Нух, даа еди кунь беклеп, кене гогерджинни йиберди, ве бу сефер гогерджин кери къайтмады.

Чыкъыш 12:15

Еди кунь маясыз пишкен пите ашанъыз. Энъ биринджи кунюнден башлап, эвлеринъизден маяны ёкъ этинъиз. Ким биринджи куньден башлап, единджи куньгедже минген хамырдан пишкен пите ашаса, о джан Исраиль халкъындан айырылыр.

Чыкъыш 29:29

Харун ичюн тикильген азиз урбалар онынъ эвлятларына кечеджек. О, оларны бу урбаларда ягълап, оларгъа руханийликни береджек.

Чыкъыш 29:31

Руханийлерни айырып азиз этмек ичюн къочкъарны алып, этини азиз ерде пишир.

Чыкъыш 29:35

Харуннен ве огъулларынен эписини тамам Мен санъа эмир эткеним дайын яп. Еди кунь девамында оларны руханий эт.

Ехезкель 43:26

Еди кунь девамында олар къурбан ери ичюн одеме этсинлер, оны темизлесинлер. Бойлеликнен, олар оны озь вазифесини беджерсин деп, азырласынлар.

Левийлилер 13:5

Единджи куню руханий хастаны бакъсын. Эгер хаста ери олгъаны киби къалса ве териси бою даркъалмаса, руханий хастаны даа еди куньге башкъа адамлардан айырсын.

Левийлилер 16:32

Бабасы ерине руханийликке багъышлангъан ве ягънен сюртюльген руханий одеме этсин. О мукъаддес кетен урбаларыны кийсин

Левийлилер 9:1

Секизинджи куню Муса Харунны, огъулларыны ве Исраиль акъсакъалларыны чагъырды.

Левийлилер 9:8

Харун къурбан ерининъ янына барды, озь адына гуна ичюн къурбанлыкъ бузавны чалды.

Сайылар 20:28

Муса Харуннынъ урбалырыны устюнден чыкъарды ве онынъ огълу Элазаргъа кийдирди. О вакъыт Харун анда, дагънынъ тёпесинде ольди. Мусанен Элазар дагъдан тюштилер.

Еудийлерге 7:26

Бизлерге анавы бойле бир баш руханий керек. О, мукъаддес, къабаатсыз ве лекесиз, гуналы адамларнынъ арасындан олмагъан ве коклерден юксек котерильгендир.