Чыкъыш 28:9 - Мукъаддес Китап

⁹ Эки шохам деген къыйметли ташны ал да, оларнынъ устюнде Исраиль огъулларынынъ адларыны ой.

Чыкъыш 28:9 ပူးပေါင်းရင်းမြစ်များ

Башланув 2:12

О мемлекеттеки алтын яхшыдыр. Анда даа бедолах ве шохам деген къыйметли ташлар бардыр.

1 Тарих вакъиалары 29:2

Бар кучюмнен Алланынъ Сарайы ичюн алтын шейлер ичюн алтын, кумюш шейлер ичюн кумюш, бакъыр шейлер ичюн бакъыр, демир шейлер ичюн демир, агъач шейлер ичюн агъач топладым, шохам ташлары ве къоюладжакъ къыйметли ташлар, мозаик ташлар, гузель чешит ренкли къыйметли ташлар, чешит тюрлю къыйметли ташлар ве беяз ташлар азырладым.

2 Тарих вакъиалары 2:7

Шунынъ ичюн манъа алтындан, кумюштен, бакъыр ве демирден чешит шейлер япа бильген акъыллы адамны ёлла. Бу адам мавылы къырмызы, къою къырмызы ве мор тюсте басмаларнен чалышмагъа ве оймагъа бильмек керек. О, бабам Давут азырлагъан меним Ехудадаки ве Ерусалимдеки усталарымнен берабер чалышаджакъ.

Эюп акъкъында китап 28:16

онъа Офирнинъ темиз алтынынен, къыйметли шохам ташынен, кок якъутнен къыймет кесильмез,

Чыкъыш 25:7

эфод ве кокректеки торба ичюн шохам деген къыйметли ташлар ве дигер, козьлерге къоюлгъан къыйметли ташлар.

Чыкъыш 28:10

Алты ад бир таш устюнде, алты ад экинджи таш устюнде, яшларына коре, буюгинден кичигинедже олсун.

Чыкъыш 28:20

Дёртюнджи сыра: хризолит, шохам, яспис. Эписи ташларны алтын юваларгъа къой.

Чыкъыш 28:36

Темиз алтындан тегиз тахтачыкъ яп да, онынъ устюне, тамгъа устюне оюлгъаны киби, «РАББИнинъ азизлиги» сёзлерини ой.

Чыкъыш 28:8

Эфоднынъ устюнден кийильген къушакъ да, тамам эфод киби, алтындан, мор, мавылы къырмызы, ачыкъ къырмызы юньден ве индже ишленген кетенден япылмакъ керек.

Чыкъыш 31:5

ташларны кесип юваларгъа къоймагъа ве эр бир иш ичюн агъач оймагъа яхшы биле.

Чыкъыш 39:13

Дёртюнджи сыра: хризолит, шохам, яспис. Эписи ташлар алтын юваларгъа къоюлгъан эдилер.

Чыкъыш 39:6

Сонъ олар шохам деген къыйметли ташларны алып, алтын юваларгъа отуртты, оларнынъ устюнде Исраиль огъулларынынъ адларыны, тамгъалар устюнде оюлгъаны киби, ойдылар.

Энъ яхшы йыр 8:6

Юрегинънинъ устюне мени, бир тамгъа киби, къой, къолунънынъ устюне, юзюкни киби, такъ. Севги, олюм дайын, кучьлю, куньджюлик, олюлернинъ дюньясы дайын, къуветлидир. Онынъ окълары – атеш ялынларыдыр, о – кучьлю атеш-алевдир!

Ешая 49:16

Мына, сенинъ адынъны къолларымда яздым, диварларынъ даима козюм огюнде.

Ехезкель 28:13

Сен Эдемде, Алланынъ багъчасында эдинъ. Чешит тюрлю къыйметли ташлар: якъут, сары якъут, эльмаз, хризолит, шохам, яспис, лазурит, карбункул, зумрут сени безете эди. Энъ гузель ве паалы алтыннен безетильген эдинъ. Буларнынъ эписи сен дюньягъа кельген куню япылгъан эди.

Зекерья 9:16

О куню РАББИ, оларнынъ Алласы оларны къуртараджакъ. Къойларны киби, Озь халкъыны къорчалайджакъ. Олар, таджда къыйметли ташлар киби, Онынъ топрагъында йылтырайджакъ.