Чыкъыш 28:6 - Мукъаддес Китап

⁶ Алтындан, мор, мавылы къырмызы, ачыкъ къырмызы юньден ве индже ишленген кетенден усталыкънен эфодны япсынлар.

Чыкъыш 28:6 ပူးပေါင်းရင်းမြစ်များ

Чыкъыш 25:4

мор, мавылы къырмызы ве ачыкъ къырмызы юнь, индже ишленген кетен ве эчки юнюнден япылгъан безлер;

Чыкъыш 25:7

эфод ве кокректеки торба ичюн шохам деген къыйметли ташлар ве дигер, козьлерге къоюлгъан къыйметли ташлар.

Чыкъыш 26:1

Мескенни он дане индже ишленген кетенден ве мор, мавылы къырмызы ве ачыкъ къырмызы юньден япылгъан безлерден яса. Оларнынъ устьлерине усталыкънен Керувларны нагъышла.

Чыкъыш 28:7

О, багълы олсун деп, онынъ уджларында бири-бирине багълагъан, омузлардан кечирильген, эки къушачыкъ олмакъ керек.

Чыкъыш 29:5

Хусусий урбаларны алып, Харуннынъ устюне халатны, усть урбаны, эфодны, кокректеки торбаны кийдирип, белини эфоднынъ къушагъынен багъла.

Хошеа 3:4

Исраиллилер чокъ вакъыт ичинде падишасыз, ёлбашчысыз яшайджакъ. Оларнынъ не къурбанлары, не къурбан ери, не эфод, не эв путлары оладжакъ.

Левийлилер 8:7

Сонъ Харуннынъ устюне тюп урба кийдирди, белини къушакънен багълады, усть урбаны кийдирди, устюнден эфодны къойды, эфодны пекитмек ичюн, белини эфоднынъ къушагъынен багълады.

Къадылар 8:27

Шу алтындан Гидон эфод яптырды ве оны озюнинъ Офра шеэринде къойды. Анда бутюн исраиллилер, ороспу киби олып, шу эфодгъа табындылар. Эфод Гидон ве онынъ сою ичюн тузакъ олды.

1 Падишалар 23:6

Ахимелек огълу Авиатар Давуткъа Кеилагъа кельгенде, озюнен берабер эфодны кетирген эди.

1 Падишалар 30:7

Давут РАББИден, Алласындан кучь алып, Ахимелех огълу Авиатаргъа: – Манъа эфодны кетир, – деди. Авиатар эфодны Давуткъа кетирди.