Чыкъыш 27:1 - Мукъаддес Китап

¹ Акация терегинден дёрткоше къурбан ерини яп. Узунлыгъынен кенълиги эки бучукъ метр олсун, юксеклиги бир бучукъ метр олсун.

Чыкъыш 27:1 ပူးပေါင်းရင်းမြစ်များ

2 Падишалар 24:18

Шу куню Гъад, Давуткъа келип: – Бар, РАББИге евуслы Аравнанынъ арманында къурбан ерини къур, – деди.

4 Падишалар 16:14

РАББИнинъ огюнде тургъан бакъыр къурбан ерини исе Сарайнынъ огюнден, янъы къурбан ери ве РАББИнинъ Сарайынынъ арасындан алып, оны янъы къурбан ерининъ янына, шималь тарафына ерлештирди.

1 Тарих вакъиалары 6:49

Харун ве онынъ эвлятлары исе, Алланынъ къулу Муса буюргъанына коре, айванларны бутюнлей якъмакъ ичюн, къурбан ери янында ве къокъулы отлар якъыладжакъ ернинъ янында хызмет этти, Энъ Мукъаддес Ерде де эр бир керекли ишни япа ве исраиллилер ичюн одеме эте эди.

2 Тарих вакъиалары 4:1

Сулейман бакъырдан къурбан ерини яптырды. Онынъ узунлыгъы он метр эди, кенълиги де он метр эди. Юксеклиги исе беш метр эди.

Узеир 3:2

Ёцадакънынъ огълу Ешуа, онынъ руханий олгъан агъа-къардашлары, Шеалтиэлнинъ огълу Зеруббавел ве онынъ агъа-къардашлары бардылар ве Исраиль Алласынынъ къурбан ерини къурдылар. Анда, Алланынъ адамы Мусанынъ Къанунында язылгъаны киби, къурбанларны бутюнлей якъаджакъ эдилер.

Чыкъыш 17:15

Сонъ Муса РАББИге къурбан ерини къурды, онъа Яхве-Нисси деген ад къойды

Чыкъыш 24:4

Муса РАББИнинъ эписи сёзлерини язып къойды. Сонъ саба танъда турып, байыр тюбюнде къурбан ерини къурды ве Исраиль къабилелерининъ сайысына коре он эки таш къойды.

Чыкъыш 31:9

айванларны бутюнлей якъмакъ ичюн къурбан ерини эписи алетлеринен, савутны саджаягъынен,

Чыкъыш 35:16

айванларны бутюнлей якъмакъ ичюн къурбан ерини, онынъ ичюн тунч пармакълыкъны ве онынъ сырыкъларыны эписи алетлеринен, савутны ве онынъ саджаягъыны;

Чыкъыш 39:39

тунчтан япылгъан къурбан ерини, онынъ ичюн тунч пармакълыкъны, онынъ сырыкъларыны эписи алетлеринен, савутны ве онынъ саджаягъыны,

Чыкъыш 40:10

Айванларны бутюнлей якъмакъ ичюн къурбан ерини ве онынъ бутюн алетлерини ягълап, къурбан ерини айырып азиз эт. Сонъ къурбан ери улу азизлик олур.

Чыкъыш 40:29

Айванларны бутюнлей якъмакъ ичюн къурбан ерини Мескеннинъ, Корюшюв Чадырынынъ къапусы огюне къойды ве, РАББИ онъа эмир эткени киби, онынъ устюнде айван къурбанларыны якъты ве ашлыкъ бахшышларыны кетирди.

Чыкъыш 40:6

Сонъ айванларны бутюнлей якъмакъ ичюн къурбан ерини Мескеннинъ, Корюшюв Чадырынынъ къапусы огюнде къой.

Сайылар 3:31

Олар Сандыкъ, стол, къандиль, къурбан ерлери, хызмет вакътында къулланылгъан мукъаддес савутлар ве бутюн алетлеринен берабер перде ичюн джевапкяр олсунлар.

Сайылар 4:13

Къурбан ерини кульден темизлесинлер ве мавылы къырмызы юньден япылгъан безнен къапатсынлар.

Сайылар 4:14

Сонъ ибадет этмек ичюн къулланылгъан бутюн алетлерни: комюр табакъларыны, сенеклерни, куречиклерни ве чанакъларны, – къурбан ерининъ эписи алетлерини онынъ устюне къойсунлар, оны индже ишленген терилер орьтюсинен къапатсынлар, сырыкъларыны ерине кечирсинлер.

Еудийлерге 13:10

Бизим бир къурбан еримиз бар, ве Корюшюв Чадырында хызмет эткен руханийлернинъ андан ашамагъа акъкъы ёкъ.