Чыкъыш 26:1 - Мукъаддес Китап

¹ Мескенни он дане индже ишленген кетенден ве мор, мавылы къырмызы ве ачыкъ къырмызы юньден япылгъан безлерден яса. Оларнынъ устьлерине усталыкънен Керувларны нагъышла.

Чыкъыш 26:1 ပူးပေါင်းရင်းမြစ်များ

2 Падишалар 7:2

О заман падиша Натан пейгъамберге: – Мына мен кедр агъачындан ясалгъан эвде яшайым, Алланынъ Сандыгъы исе – чадыр тюбюнде, – деди.

3 Падишалар 6:29

Керувларнынъ ресимлерини, пальма тереклерини, ачылаяткъан чечеклернинъ ресимлерини эки одада, огдеки одада ве ичтеки одада, Сарайнынъ эписи диварларында ойып яптырды.

1 Тарих вакъиалары 17:1

Давут озь сарайында ерлешкен сонъ, о, Натан пейгъамберге бойле деди: – Мына мен кедр агъачындан ясалгъан эвде яшайым. РАББИнинъ Васиет Сандыгъы исе – чадыр тюбюнде.

1 Тарих вакъиалары 21:29

О вакъыт Муса сахрада ясагъан РАББИнинъ Мескени ве къурбанларны бутюнлей якъмакъ ичюн ер Гивондаки тёпеде ерлешкен эдилер.

Чыкъыш 25:18

Мерамет Еринен эки Керувлар бир кесек алтындан япылып, Керувларны дёгюльген шекильде Мерамет Ерининъ эки четинден яса.

Чыкъыш 25:4

мор, мавылы къырмызы ве ачыкъ къырмызы юнь, индже ишленген кетен ве эчки юнюнден япылгъан безлер;

Чыкъыш 25:8

Исраиллилер Манъа Азиз Ерни къурсунлар, ве Мен оларнынъ араларында яшарым.

Чыкъыш 26:2

Эр безнинъ узунлыгъы 14 метр олсун, кенълиги – эки метр. Эписи безлер бир ольчюде олсун.

Чыкъыш 26:31

Мор, мавылы къырмызы, ачыкъ къырмызы юньден ве индже ишленген кетенден перде яп, онынъ устюне усталыкънен Керувларны нагъышла.

Чыкъыш 26:36

Мескеннинъ къапусы ичюн мор, мавылы къырмызы, ачыкъ къырмызы юньден ве индже ишленген кетенден нагъышлангъан перде яп.

Чыкъыш 31:7

Корюшюв Чадырыны, Шаатлыкъ Сандыгъыны, оны къапаткъан Мерамет Ерини, Чадырнынъ эписи алетлерини,

Чыкъыш 35:11

Алланынъ Мескенини, онынъ Чадырыны ве устюндеки орьтюсини, дёгмелерини, черчивелерини, сырыкъларыны, диреклерини, темеллерини;

Чыкъыш 35:35

РАББИ оларгъа чешит тюрлю ишлер япмагъа буюк усталыкъны берди, ве олар оймагъа, токъумагъа ве мор, мавылы къырмызы ве ачыкъ къырмызы юннен индже ишленген кетен устюнде нагъыш нагъышламагъа яхшы огрендилер. Олар тюрлю планлар чызып, чешит шейлерни усталыкънен япмагъа бильдилер.

Чыкъыш 35:6

мор, мавылы къырмызы, ачыкъ къырмызы юнь, индже ишленген кетен ве эчки юнюнден япылгъан безлерни,

Чыкъыш 36:35

Мор, мавылы къырмызы, ачыкъ къырмызы юньден ве индже ишленген кетенден перде япып, онынъ устюне усталыкънен Керувларны нагъышлады.

Чыкъыш 39:3

Олар алтынны башта япракъ-япракъ эзип, индже йиплерге дагъыттылар ве оларны усталыкънен мор, мавылы къырмызы, ачыкъ къырмызы йиплерининъ арасында ве индже ишленген кетенден кечирдилер.

Чыкъыш 40:2

– Биринджи айнынъ биринджи кунюнде Мескенни – Корюшюв Чадырыны къой.

Сайылар 3:25

Гершон огъуллары Корюшюв Чадырында Мескен, Чадырнынъ орьтюси ве Корюшюв Чадырынынъ киришиндеки перде ичюн джевапкяр эдилер.

Сайылар 4:25

Мескеннинъ безлерини, Корюшюв Чадырыны ве орьтюсини, устюне тёшеледжек индже ишленген терилер орьтюсини, Корюшюв Чадырынынъ киришиндеки пердени,

Юхан 1:14

Сёз джан-тен олды ве бизим арамызда яшап башлады. Биз Онынъ шерефли ишлерини корьдик, Бабасынынъ бирден-бир Олгъанынынъ шерефли ишлерини. О, яхшылыкъкъа ве акъикъаткъа толу эди.

Юхан 2:21

Иса «Сарай» деп, Озь бедени акъкъында дей эди.

Еудийлерге 8:2

Азиз Ерде, акъикъий Мукъаддес Чадырда хызмет эте. Бу Чадырны адамлар дегиль, Рабби Озю къургъан.

Еудийлерге 9:2

Чадырнынъ биринджи болюги япылгъан эди. Онынъ ичинде къандиль, стол ве теклиф пителери бар эди. О, «Мукъаддес Ер» деп адландырылгъан эди.

Еудийлерге 9:9

Бу Чадыр – шимдики заман ичюн бир бельги: Аллагъа кетирильген бахшышлар ве къурбанлар ибадет эткен адамларнынъ виджданыны эляллап оламайлар.

Сырларнынъ ачылувы 19:8

Киймек ичюн келинге темиз, йылтыравукъ индже кетен урба берильди. (Индже кетен – азизлернинъ инсафлы ишлеридир.)

Сырларнынъ ачылувы 21:3

Мен тахттан кельген кучьлю бир сесни эшиттим, о бойле деди: – Энди Алланынъ мекяны адамларнынъ арасында оладжакъ, Алла адамларнен берабер яшайджакъ. Олар Алланынъ халкъы оладжакъ, ве Алла Озю, оларнынъ Алласы, оларнынъ арасында булунаджакъ.