Чыкъыш 24:3 - Мукъаддес Китап

³ Муса келип, халкъкъа РАББИнинъ эписи сёзлерини ве эмирлерини айтып берди. Бутюн халкъ да бир сеснен: – РАББИнинъ сёзюни тутып, бутюн айткъанларыны япармыз, – деди.

Чыкъыш 24:3 ပူးပေါင်းရင်းမြစ်များ

2 Тарих вакъиалары 15:14

Олар юксек сеснен къычырып, боразанлар ве борулар чалынгъанда, Аллагъа ант эттилер.

2 Тарих вакъиалары 15:15

Бутюн ехудалылар джан-юректен ант эттилер ве бу антына къувандылар, буюк гъайретнен РАББИни къыдырдылар, ве О, оларгъа Озюни тапмагъа ёл косьтерди. РАББИ оларгъа эр тарафтан тынчлыкъ берди.

Зебур 50:5

Къанунсыз ишлер япкъанларымны мен анълайым, япкъан гунам эр вакъыт козюм огюнде.

Чыкъыш 19:8

Бутюн халкъ: – РАББИнинъ бутюн айткъанларыны япармыз, – деп бир агъыздан джевап бердилер. Муса халкънынъ сёзлерини РАББИге айтты.

Чыкъыш 24:2

РАББИнинъ янына Муса бир озю кельсин, олар исе якъын кельмесинлер, халкъ да онен котерильмесин.

Чыкъыш 24:7

Сонъ Васиет Китабыны алды ве эшиттирип халкъкъа окъуды. Халкъ: – РАББИнинъ сёзюни тутып, Онынъ бутюн айткъанларыны япармыз, – дедилер.

Йирмея 11:4

Деделеринъизни Мысыр топрагъындан, демир ириткен собадан чыкъаргъанда, оларгъа буны айтып, васиетимни бердим: “Сесимни динъленъиз ве Мен буюргъан эр шейни беджеринъиз. Сиз Меним халкъым олурсынъыз, ве Мен сизинъ Алланъыз олурым.

Йирмея 34:13

– РАББИ, Исраильнинъ Алласы бойле дей: Мен баба-деделеринъизни Мысыр топрагъындан, къуллукъ эвинден чыкъаргъанымда, оларгъа васиет берип:

Хагъгъай 2:5

«Сизлер Мысырдан чыкъаяткъанда, Мен сизлерге берген васиет даа тура. Рухум да сизинъ аранъызда булуна. Къоркъманъыз!»

Малакий 2:10

Эпимизнинъ Бабасы бир дегильми? Бизни яраткъан Алла бир дегильми? Ойле олса, не ичюн бири-биримизге хаинлик япамыз? Не ичюн деделеримизге берильген васиетни бозамыз?

Къануннынъ текрары 11:1

Бойлеликнен, Алланъ олгъан РАББИни сев ве омюрбилля О буюргъан низамнамелерни, къарарларны ве эмирлерни тут.

Къануннынъ текрары 4:1

Шимди, Исраиль, мен сизге огретеджек низамнамелер ве къарарларны динъле. Оларны тутсанъыз, чокъ яшайджакъсыз, топракъкъа киреджексиз ве онынъ саиплери оладжакъсыз. Баба-деделеринъизнинъ Алласы олгъан РАББИ бу топракъны сизге бере.

Къануннынъ текрары 4:45

Булар – шаатлыкълар, низамнамелер ве къарарлардыр. Исраиллилер Мысырдан чыкъкъан сонъ, Муса буларны

Къануннынъ текрары 4:5

Аллам олгъан РАББИ манъа эмир эткени киби, мен сизлерни низамнамелер ве къарарларгъа огреттим. Сизлер саип олмакъ ичюн кирген топрагъынъызда оларны тутмагъа борджлусынъыз.

Къануннынъ текрары 5:1

Муса бутюн Исраильни чагъырып: – Исраиль, мен бугунь сизге айтаджакъ низамнамелер ве къарарларны динъленъиз, огренинъиз ве оларны гъайретнен тутунъыз, – деди.

Къануннынъ текрары 5:31

Озюнъ исе мында Меннен къал. Мен санъа бутюн Къанунны, низамнамелер ве къарарларны айтаджагъым. Сен шуны оларгъа огрет. Мен оларгъа мульк оларакъ береджек топракъта онъа риает этсинлер», – деди.

Къануннынъ текрары 6:1

Мына Къанун, низамнамелер ве къарарлар. РАББИ-Таалянъыз шуны сизге огретмеге буюрды. Барып, топракънынъ саиплери олгъан сонъ, анда оны тутмакъ керексинъиз.

Нун огълу Ехошуа 24:21

Лякин халкъ Ехошуагъа: – Ёкъ! Биз РАББИге хызмет этеджекмиз! – деп джевап бердилер.

Нун огълу Ехошуа 24:22

– Хызмет этмек ичюн, РАББИни сайлап алгъанынъызгъа сиз озюнъиз озюнъизге шаатсынъыз, – деди Ехошуа. – Эбет, биз шаатмыз, – дедилер олар.

Нун огълу Ехошуа 24:24

Халкъ Ехошуагъа: – Алламыз РАББИге хызмет этеджекмиз, Онынъ сёзюни динълейджекмиз, – дедилер.