Чыкъыш 23:18 - Мукъаддес Китап

¹⁸ Манъа къурбан кетиргенинъизде, къурбаннынъ къаныны маялы отьмекке тёкменъиз. Байрам къурбанымнынъ ягъыны сабагъадже къалдырманъыз.

Чыкъыш 23:18 ပူးပေါင်းရင်းမြစ်များ

Чыкъыш 12:10

Ондан сабагъадже бир шей къалдырманъыз. Ондан къалгъаныны сабагъадже атеште якъынъыз.

Чыкъыш 12:15

Еди кунь маясыз пишкен пите ашанъыз. Энъ биринджи кунюнден башлап, эвлеринъизден маяны ёкъ этинъиз. Ким биринджи куньден башлап, единджи куньгедже минген хамырдан пишкен пите ашаса, о джан Исраиль халкъындан айырылыр.

Чыкъыш 12:8

Онынъ этини шу геджеси атешке къызартып, ашап битирсинлер. Оны маясыз хамырдан пишкен питенен ве аджджы отларнен ашасынлар.

Чыкъыш 16:19

Муса оларгъа: – Буны сабагъадже кимсе къалдырмасын, – деди.

Чыкъыш 29:34

Къочкъарнынъ этинден ве пителерден сабагъадже бир шей къалса, къалгъаныны атеште якъ: оны ашамагъа олмай, чюнки о – азизлик.

Чыкъыш 34:25

Меним къурбанымнынъ къаныны маялы питенен берабер Манъа кетирменъиз. Песах Байрамынынъ къурбаныны сабагъадже къалдырманъыз.

Левийлилер 2:11

РАББИге кетирильген ашлыкъ бахшышларынъыздан ич бириси маянен олмасын. Не экши хамырдан япылгъан отьмекни, не де балны РАББИге бутюнлей якъыладжакъ бахшыш оларакъ кетирмеге олмаз.

Левийлилер 7:12

Эгер бирев шукюр оларакъ оны кетирсе, шукюр къурбанынен берабер о, зейтюн ягъынен къарыштырылгъан такос пителерни, устьлерине зейтюн ягъы сюртюльген такос пителерни, зейтюн ягъынен къарыштырылгъан энъ яхшы богъдай унундан япылгъан отьмеклерни кетирмек керек.

Левийлилер 7:15

Шукюр этювининъ аманлыкъ къурбанынынъ этини кетирильген куню ашамакъ керек, сабагъадже оны къалдырмакъ олмаз.

Къануннынъ текрары 16:4

Еди кунь девамында бутюн топрагъынъда мая олмасын. Биринджи куннинъ акъшам чалгъан къурбан этинъден сабагъадже бир шей къалмасын.