Чыкъыш 22:29 - Мукъаддес Китап

²⁹ Ашлыкънынъ биринджи берекетинден, яш шарабынъыздан ве биринджи сыкъылгъан зейтюн ягъынъыздан бахшышларны Манъа кетирмеге кечикменъиз. Биринджи догъгъан огъланларынъызны Манъа беринъиз.

Чыкъыш 22:29 ပူးပေါင်းရင်းမြစ်များ

4 Падишалар 4:42

Баал-Шалиша деген ерден бир адам кельди ве Алланынъ адамына биринджи орулгъан ашлыкътан 20 дане арпа отьмегини ве темизленмеген чий арпа ашлыгъыны кетирди. Эль-Яса: – Адамларгъа бер, ашасынлар, – деди.

2 Тарих вакъиалары 31:5

Буюргъанлары белли олгъан сонъ, Исраиль огъуллары биринджи берекетлеринден ашлыкъ, янъы шарап, ягъ, бал ве тарлаларда етиштирген чешит тюрлю махсулларыны кетирди. Бундан гъайры, олар даа башкъа шейлернинъ онда бир къысмыны кетирдилер.

Чыкъыш 13:12

эр бир биринджи догъгъан огъланларынъызны ве айванларынъызнынъ биринджи догъгъан балаларыны РАББИге багъышланъыз. Огъланлар ве эркеклер – РАББИнинъкидир.

Чыкъыш 13:2

– Исраиль огъулларында эр бир биринджи догъгъан джанны, эм адамдан, эм айвандан догъгъан баланы Манъа айырып элялла. Олар Менимкидир, – деди.

Чыкъыш 23:15

Маясыз Пишкен Пите Байрамыны япынъыз. Мен санъа эмир эткеним киби, Авив айында тайинленген куньлерде еди кунь маясыз пишкен пите ашанъыз. Сиз Мысырдан бу айда чыкъып кеткен эдинъиз. Меним огюме кимсе бош къолнен кельмесин.

Чыкъыш 23:16

Тарлада сачкъан Биринджи Махсул Байрамыны япынъыз. Тарладан бутюн берекетинъни джыйгъан сонъ, берекет джыйылув куньлерининъ сонъунда, Махсул Джыйылув Байрамыны япынъыз.

Чыкъыш 23:19

Ернинъ биринджи берекетинден энъ яхшы махсулларыны Алланъ олгъан РАББИнинъ Эвине кетиринъиз. Улакъны анасынынъ сютюнде пиширменъиз.

Чыкъыш 34:19

Эписи биринджи догъгъан огъулларынъыз – Менимки. Айванларынъызнынъ биринджи догъгъан эркек балалары, мал баласы я да къой-эчки баласы да Менимки олсун.

Чыкъыш 34:20

Эшекнинъ биринджи догъгъан эркек баласы ичюн къой я да эчкининъ эркек баласыны беринъиз. Бермеге истемесенъиз, эшек баласынынъ бойнуны сындырынъыз. Эписи биринджи догъгъан огъланларынъыз ичюн айваннынъ янъы догъгъан баласыны беринъиз. Меним огюме кимсе бош къолнен кельмесин.

Ехезкель 20:40

Меним азиз дагъымда, Исраильнинъ юксек дагъында бутюн Исраиль халкъы, ерде олгъанларнынъ эписи Манъа хызмет этеджеклер, – дей РАББИ-ТААЛЯ. – Анда Мен оларны къуванчнен къабул этеджегим. Анда котериледжек къурбанларынъызны, биринджи берекетлеринъизни ве бутюн азизликлеринъизни истейджегим.

Левийлилер 22:27

– Бузав, къозу я да улакъ догъгъан сонъ, еди кунь девамында анасы янында олсун. Секизинджи кунюнден сонъ РАББИге атеште якъыладжакъ къурбан оларакъ кетирильмеге ярайджакъ ве къабул олунаджакъ.

Микъа 7:1

Вай, башыма беля тюшти! Юзюм джыйылгъан сонъ багъчагъа кирген адамгъа ошадым, язда мейва джыйылгъандан сонъ багъчагъа кирген, амма бир шей тапалмагъан адамгъа ошадым. Ашамагъа бир салкъым юзюм ёкъ, джаным истеген бир дане пишкен инджир ёкъ.

Сайылар 18:13

Топракънынъ биринджи берекетлеринден РАББИге кетириледжеклернинъ эписи сенинъки олсун. Сенинъ эвинъде элял олгъан эр кес оларны ашап олур.

Матта 6:33

Сиз башта Алланынъ Падишалыгъыны ве Онынъ инсафлыгъыны къыдырынъыз, сизге бу шейлернинъ эписи де бериледжек.

Римлилерге 8:23

Тек дюнья дегиль, биз озюмиз де ичимизден агълаймыз. Алланынъ биринджи бахшышы олгъан Рухны алгъан олсакъ да, Алла бизни огъуллары киби аладжагъыны ве беденлеримизнинъ къуртулышыны беклеп, ах чекемиз.

Къануннынъ текрары 15:19

Туварларынънынъ ве къой-эчкилеринънинъ бутюн биринджи догъгъан эркек несилини Алланъ олгъан РАББИге багъышла. Биринджи догъгъан бугъаларны чалыштыртма, биринджи догъгъан къой-эчкилерини де къыркъма.

Якъуп 1:18

Алла истеп, акъикъат Сёзю ярдымынен бизге яшайыш берди, биз Онынъ яраткъанлары арасында биринджи ерни аладжагъымызны истеди.