Чыкъыш 22:26 - Мукъаддес Китап

²⁶ Эгер башкъа адамнынъ урбасыны залоггъа алсанъыз, оны кунь баткъандже къайтарынъыз.

Чыкъыш 22:26 ပူးပေါင်းရင်းမြစ်များ

Эюп акъкъында китап 22:6

Керчектен де, къардашларынъдан бош ерде залог алып, урбаларыны алып, оларны чыр-чыплакъ къалдырдынъ.

Эюп акъкъында китап 24:3

Етимлерден эшегини алып кетелер, тул къадыннынъ бугъасыны залоггъа алалар.

Эюп акъкъында китап 24:7

Геджени чыр-чыплакъ, урбасыз кечирелер, сувукъта орьтюсиз къалалар.

Эюп акъкъында китап 24:9

Яман адамлар бабасыз баланы мемеден айыралар, ёкъсулдан залог алалар.

Эюп акъкъында китап 34:28

Шунынъ ичюн ёкъсулларнынъ ярдымгъа чагъыргъаны Онъа барып етти, фукъарелернинъ агълавыны О, эшитти.

Зебур 34:7

Олар себепсиз мен ичюн гизли тузакъны азырлады, себепсиз джаным ичюн чукъурны къазды.

Икметли сёзлер 20:16

Бир кимсе ябанджыгъа кефиль олса, онынъ урбасыны ал, чет адам ичюн ондан залог ал.

Икметли сёзлер 22:27

Борджны къайтармакъ ичюн акъчанъ олмаса, яткъан тёшегинъни биле тартып чыкъарырлар.

Ехезкель 18:16

кимсени хорламаса, онъа борджлу олгъандан залог алмаса, кимсени таламаса, отьмегини ачларгъа берсе ве чыплакъларны кийиндирсе,

Ехезкель 18:7

кимсени хорламаса, онъа борджлу олгъангъа залогыны къайтарып берсе, кимсени чайпамаса, отьмегини ачларгъа берсе ве чыплакъларны кийиндирсе,

Ехезкель 33:15

залогны къайтарып берсе, хырсызлагъан шейлер ичюн одеме этсе, яшайыш берген низамнамелерге коре яшаса ве ярамайлыкъ япмаса, о, мытлакъа яшайджакъ, ольмейджектир.

Амос 2:8

Олар эр къурбан ери янында залоггъа алынгъан урбалар устюне ята, джеза оларакъ алынгъан шарапны аллаларнынъ эвлеринде ичелер.

Къануннынъ текрары 24:17

Ят халкълардан олгъанны ве оксюзни адалетли суд эт, тул апайнынъ урбасыны залоггъа алма.

Къануннынъ текрары 24:6

Дегирмен я да дегирменнинъ юкъары ташыны залоггъа алмагъа олмаз. Бу, адамнынъ джаныны залоггъа алмасына тенъдир.