Чыкъыш 22:25 - Мукъаддес Китап

²⁵ Меним халкъымдан олгъан фукъарелерге борджкъа акъча берсенъиз, башкъа акъча берген адамлар дайын, фаиз сораманъыз.

Чыкъыш 22:25 ပူးပေါင်းရင်းမြစ်များ

4 Падишалар 4:1

Пейгъамберлернинъ шегиртлери бирисининъ къадыны агълап, Эль-Ясагъа: – Сенинъ къулунъ олгъан меним акъайым ольди. Сен билесинъ ки, къулунъ РАББИден къоркъкъан бир инсан эди. Шимди исе онъа борджкъа берген бириси кельди де, борджу ерине эки баламны къуллукъкъа алып кетеджек ола, – деди.

4 Падишалар 4:7

Сонъ къадын Алланынъ адамына келип, бутюн бу шейлерни айтып берди. О исе: – Бар, зейтюн ягъыны сат да, борджунъ олгъан адамгъа борджунъны къайтар. Къалгъан парагъа исе огъулларынънен берабер кечинирсинъиз, – деди.

Нехемья 5:7

Юрегим сызлады, мен мырзаларны ве башлыкъларны сёгдим ве оларгъа серт-серт: – Сизлер къардашларынъыздан фаиз аласынъыз! – дедим. Сонъ оларгъа къаршы буюк топлашув чагъырдым

Зебур 15:5

РАББИ – меним къысметим, меним къадирим; башымнынъ язысы Сенинъ къолунъда.

Икметли сёзлер 28:8

Фаиз ичюн акъча берген ве бойле байлыгъыны арттыргъан адам зенгинлигини фукъарелерни аджыгъан адам ичюн топлар.

Йирмея 15:10

Вай-вай-вай! Башыма беля! Ах, анам! Сен мени догъып, давалашкъан адам олдым, бутюн ернен къавгъалаштым! Не борджкъа бердим, не борджкъа алдым, лякин мени эр кес къаргъай.

Ехезкель 18:13

файдасы ичюн параны берсе, параны бергенде де, фаиз истесе, – бойле инсан яшармы? Ёкъ! Бойле пис шейлерни япкъан эр бир инсан мытлакъа оледжек. Олюминде о, озю къабаатлы оладжакъ.

Ехезкель 18:17

фукъаренинъ джаныны агъыртмаса, файдасы ичюн параны бермесе, параны бергенде исе, фаиз истемесе, Меним къарарларымны беджерсе ве низамнамелеримни тутса, – ойле инсан бабасынынъ гуналары ичюн ольмейджек. Шубесиз, о киши яшайджакъ.

Ехезкель 18:7

кимсени хорламаса, онъа борджлу олгъангъа залогыны къайтарып берсе, кимсени чайпамаса, отьмегини ачларгъа берсе ве чыплакъларны кийиндирсе,

Ехезкель 18:8

файдасы ичюн параны бермесе, параны бергенде исе, фаиз истемесе, акъсыз ишлерни япмаса ве давалашкъан адамларны адалетли суд этсе,

Ехезкель 22:12

Сенде яшагъанлар къан тёкмек ичюн, къапарларны берелер. Сен файдасы ичюн пара бересинъ, пара бергенде, фаиз истейсинъ, якъынынъны зорлап, ондан акъча тутып аласынъ. Мени исе сен къалдырдынъ, – дей РАББИ-ТААЛЯ.

Амос 2:8

Олар эр къурбан ери янында залоггъа алынгъан урбалар устюне ята, джеза оларакъ алынгъан шарапны аллаларнынъ эвлеринде ичелер.

Матта 25:27

Ойле олса, парамны фаизджилерге борджкъа берген олсанъ, мен келип, оны фаизнен алыр эдим.

Лука 19:23

не ичюн парамны фаизджилерге бермединъ? Мен келип, ич олмадым парамны фаизнен алыр эдим», – дей.

Къануннынъ текрары 15:7

Эгер Алланъ олгъан РАББИ санъа береджек топракъта, сен яшагъан ерлеринънинъ биринде семетдешлеринъден бири фукъаре олса, юрегинъни къаттырма, фукъаре семетдешинъден чевирильме.

Къануннынъ текрары 24:13

Кунь батмаздан эвель, залогыны мытлакъа къайтар. Сонъ о, урбасынен япынып юкълар ве санъа яхшылыкъ тилер. Алланъ олгъан РАББИнинъ козю огюнде бу иш санъа инсафлыкъ деп сайыладжакъ.