Чыкъыш 21:2 - Мукъаддес Китап

² Еудий къулны сатын алсанъыз, о, сизде алты йыл чалышсын, единджи йылы исе бедава азатлыкъкъа чыкъсын.

Чыкъыш 21:2 ပူးပေါင်းရင်းမြစ်များ

Башланув 27:28

Алла санъа кок чыкъыны, ернинъ энъ яхшы махсулларыны ве ашлыкънен шарапнынъ бол-берекетини берсин.

Башланув 27:36

– Тевеккель онынъ адыны Якъуп деп къоймадылар, – деди Исав. – О энди эки кере мени алдатты. Башта биринджи догъгъан акъкъымны алды, шимди исе багъышлавымны алды! Ве даа къошты: – Аджеба, сен манъа багъышлав къалдырмадынъмы?

4 Падишалар 4:1

Пейгъамберлернинъ шегиртлери бирисининъ къадыны агълап, Эль-Ясагъа: – Сенинъ къулунъ олгъан меним акъайым ольди. Сен билесинъ ки, къулунъ РАББИден къоркъкъан бир инсан эди. Шимди исе онъа борджкъа берген бириси кельди де, борджу ерине эки баламны къуллукъкъа алып кетеджек ола, – деди.

Нехемья 5:8

ве бойле дедим: – Биз къолумыздан кельгени къадар ябанджы халкъларгъа сатылгъан озь къардашларымыз ехудалыларны кери сатын алмагъа тырышамыз. Сизлер исе озь къардашларынъызны сатасынъыз. Кене бизге сатылсынлар депми? Олар исе индемей, бир шей айтып оламай эдилер.

Чыкъыш 12:44

Кумюшке сатын алынгъан эр бир къул сюннет этильген сонъ, Песахны ашамакъ мумкюн.

Чыкъыш 21:3

Янъгъыз кельген олса, янъгъыз да чыкъсын, эгер эвли олса, онен берабер апайы да чыкъып кетсин.

Чыкъыш 21:7

Эгер бирев къызыны къуллукъкъа сатса, къыз къуллукътан эр къул дайын чыкъып оламай.

Чыкъыш 22:3

Лякин оны кунь догъгъан сонъ ольдюрсе, ольдюрген адам къабаатлы олсун. Хырсыз акъкъыны одемек керек. Эгер онынъ акъчасы олмаса, хырсызлагъан шейлер ичюн оны къуллукъкъа сатсынлар.

Левийлилер 25:54

Эгер бу адам бойле этип, озюни къайтарып сатын алмаса, юбилей йылында балаларынен берабер азат оладжакъ.

Матта 18:25

Борджуны одемеге бир шейи олмагъаны ичюн, падиша онъа озюни, апайыны, балаларыны ве бутюн мал-мулькюни сатып, борджуны бермесини буюрды.

1 Коринтлилерге 6:20

лякин паалы фияткъа сатын алындынъыз. Шунынъ ичюн беденинъизнен Алланы шуретленъиз.

Къануннынъ текрары 15:1

Единджи йылнынъ сонъунда борджларны сорама.

Къануннынъ текрары 15:18

Санъа къулунъны азат этмеге къыйын олмасын, чюнки о алты йыл девамында санъа ыргъатнынъ ишине коре эки къат чокъ чалышкъан. Сонъ Алланъ олгъан РАББИ санъа эр туткъан ишинъде берекет береджек.

Къануннынъ текрары 31:10

Муса оларгъа бойле эмир этти: – Единджи йылынынъ сонъунда, борджларны багъышлав йылында, Чалашлар Байрамында,