Чыкъыш 20:21 - Мукъаддес Китап

²¹ Эписи адамлар четте тургъанда, Муса Алла олгъан ерге, къара булуткъа якъынлашты.

Чыкъыш 20:21 ပူးပေါင်းရင်းမြစ်များ

3 Падишалар 8:12

О вакъыт Сулейман: – РАББИ къара булутта булунмагъа бегенгенини айтты.

2 Тарих вакъиалары 6:1

О вакъыт Сулейман бойле деди: – РАББИ деди ки, О, къаранлыкъта булунмакъ истей.

Зебур 104:2

Онъа йырланъыз, Онъа чалгъы чалынъыз, бутюн аджайип шейлери акъкъында айтынъыз!

Зебур 18:12

Сенинъ къулунъны да олар сакълай, оларгъа бойсунгъан адам буюк мукяфат алыр.

Зебур 18:9

РАББИнинъ къаиделери догърудыр, олар юрекни къувандыра. РАББИнинъ эмири темиздир, о, козьлерни ярыкълата.

Зебур 97:2

РАББИ Озь къуртарувыны косьтерди, халкълар огюнде акъикъатыны ачты!

Чыкъыш 19:3

Муса Алланынъ огюне котерильди. РАББИ дагъдан оны чагъырып: – Якъупнынъ эвлятларына, Исраиль огъулларына бойле деп айт ве хабер эт:

Къануннынъ текрары 5:22

Бу сёзлерни РАББИ бутюн джемаатынъызгъа дагъ устюнде, атеш, булут ве къаранлыкъ ичинден кучьлю сеснен айтты. Башкъа бир шей айтмайып, шу эмирлерни эки таш левасында язып, манъа берди.

Къануннынъ текрары 5:5

РАББИнинъ айткъанларыны сизге еткизмек ичюн, мен РАББИнен сизинъ аранъызда турмакъта эдим, чюнки сизлер атештен къоркъып, дагъгъа котерильмеген эдинъиз. РАББИ о заман бойле деди:

1 Тимотейге 6:16

Олюмсизликнинъ Саиби тек Одыр; О, якъынлашылмаз ярыкъта булуна, Оны ич бир адам корьмеген эм де корип оламай. Онынъ урьмети ве къудрети эбедийдир! Амин.