Чыкъыш 18:23 - Мукъаддес Китап

²³ Бу – Алланынъ санъа эмири. Сен буны япсанъ, чыдап олурсынъ. Бутюн халкъ исе къанаатленип, озь ерине эсен-аман къайтыр.

Чыкъыш 18:23 ပူးပေါင်းရင်းမြစ်များ

Башланув 18:33

Ибраимнен лафыны битирген сонъ, РАББИ кетти. Ибраим исе озюнинъ ерине къайтты.

Башланув 30:25

Рахель Юсуфны догъгъан сонъ, Якъуп Лавангъа бойле деди: – Манъа озь ериме, озь топрагъыма кетмеге разылыкъ бер; мен къайтайым.

2 Падишалар 18:3

Лякин адамлар: – Барма. Эгер биз къачып башласакъ, бунъа кимсе эмиет бермез. Ярымыз ольдюрильгенде биле, кене эмиет бермезлер. Сен бир озюнъ исе он бинъ адам кибисинъ. Сен шеэрде къалып, бизге ярдым этсенъ, даа яхшы олур, – дедилер.

2 Падишалар 19:39

Сонъра бутюн халкъ падишанен бирликте Иордан озенини кечти. Падиша Барзиллайны опип, онъа яхшылыкъ тиледи, ве о, озь ерине къайтып кетти.

2 Падишалар 21:17

Лякин Церуянынъ огълу Авишай Давуткъа ярдым этип, фелестинлини урып ольдюрди. Бундан сонъра Давутнынъ акъайлары: – Исраильнинъ чырагъы сёнмесин деп, сен бизнен бир даа дженкке чыкъмайджакъсынъ, – деп ант эттилер.

Чыкъыш 16:29

Бакъынъыз, РАББИ сизге раатлыкъ кунюни берди. Шунынъ ичюн О, сизлерге алтынджы куню эки куньлюк аш бере. Эпинъиз ерлеринъизде къалынъыз. Единджи куню ич бир кимсе озь еринден чыкъмасын, – деди.

Чыкъыш 18:18

– Сен озюнъни ве сеннен олгъан халкъны къыйнайджакъсынъ. Сен ичюн бу пек агъыр иш; оны бир озюнъ баш этамазсынъ.

Чыкъыш 18:22

Олар даима халкънынъ даваларыны чезсинлер. Эр бир пек муим иш акъкъында сени хабердар этип, чезмесини санъа берсинлер, уфакъ-тюфек даваларны исе озьлери чезсинлер. Санъа къолайджа олур, ишнинъ агъырлыгъы оларгъа да тюшер.

Чыкъыш 18:24

Муса къайнатасынынъ айткъанларыны динъледи ве онынъ эписи айткъанларыны япты.

Фаалиет 15:2

Павел ве Барнаба оларнен чокъ тартышып дава эттилер. Ахыр-сонъу Павелнен Барнабаны ве араларындан даа бир къач адамны, бу меселени эльчилер ве акъсакъалларнен чезмек макъсадынен, Ерусалимге ёлламагъа къарар чыкъардылар.

Галатиядакилерге 2:2

О ерге бардым, чюнки мени Алла Озю ёллады. О ерде мен халкъларгъа бильдирген Къуванчлы Хаберни андакилерге айтып бердим. Оны урьметли адамларнен айры корюшюв вакътында анълаттым, меним кечкен ве шимдики хызметим бошуна я да бошуна олмагъаныны бильмеге истедим.

1 Падишалар 8:22

РАББИ Смаилге: – Оларны динъле ве оларгъа падиша къой, – деди. Смаил исраиллилерге: – Эпинъиз озь шеэрлеринъизге къайтынъыз, – деди.