Чыкъыш 18:10 - Мукъаддес Китап

¹⁰ ве: – Сизни мысырлыларнынъ ве фыравуннынъ къолундан къуртаргъан ве бу халкъны мысырлыларнынъ укюминден азат эткен РАББИге бинъ шукюрлер олсун!

Чыкъыш 18:10 ပူးပေါင်းရင်းမြစ်များ

Башланув 14:20

Душманларынъны сенинъ къолунъа берген Юдже Аллагъа шукюрлер олсун! Сонъ Ибрам Мелкиседекке эписининъ он пайда бир пайыны берди.

Башланув 24:27

ве бойле деди: – Озюнинъ мераметини эфендиме эйлеген ве ишанчлы олгъан РАББИге, Ибраим-эфендимнинъ Алласына бинъ шукюрлер олсун! РАББИ мени дос-догъру ёлнен эфендимнинъ къардашынынъ эвине кетирди.

2 Падишалар 18:28

Ахимаац къычырып, падишагъа: – Селям! – деп, эгилип бетини ерге тийгизди ве: – Эфендим падиша! РАББИ-Таалянъ санъа къаршы исьян эткенлерни сенинъ къолунъа берди! РАББИге бинъ шукюрлер олсун! – деди.

3 Падишалар 8:15

– РАББИге, Исраильнинъ Алласына бинъ шукюрлер олсун! О, бабам Давуткъа Озю айткъанларыны бугунь Озь къолларынен беджерди! О:

3 Падишалар 8:56

– Озь Исраиль халкъына дегени киби раатлыкъ берген РАББИге шукюрлер олсун! – деди. – Къулу олгъан Мусанен берип йиберген сёзлеринден ерине кельмеген бир хайыр сёзю къалмады.

Лука 1:68

– Исраильнинъ Алласыны, Раббимизни шуретленъиз! О, Озь халкъына ярдымгъа кельди ве оны азат этти!

Эфеслилерге 1:3

Алланы, Раббимиз Иса Месихнинъ Бабасыны, шуретленъиз! О, бизге Месихте эр бир коклердеки рухий бахшышны берди.

1 Тессалоникелилерге 3:9

Алланынъ огюнде сизлернен тапкъан бутюн къуванч ичюн Онъа насыл этип шукюр этеджекмиз?

1 Пётр 1:3

Аллагъа, Раббимиз Иса Месихнинъ Бабасына, шукюрлер олсун! Иса Месихни олюлерден тирильтип, О, буюк мераметине коре, бизге янъы омюрни берди, тири умютни,

1 Падишалар 15:6

Шаул кенлилерге: – Амалеклилерден кетинъиз, мен оларнен берабер сизлерни де ольдюрмейим, чюнки сиз, исраиллилер Мысырдан кеткенде, оларгъа мерамет эйлединъиз, – деди. Ве кенлилер амалеклилерден айырылдылар.

1 Падишалар 25:32

Давут Авигаилге: – Сени меним къаршыма ёллагъан РАББИге, Исраильнинъ Алласына, шукюрлер олсун!