Чыкъыш 18:1 - Мукъаддес Китап

¹ Мусанынъ къайнатасы Мидьяннынъ руханийи Йитро, РАББИ Мысырдан исраиллилерни алып чыкъкъанда, Муса ве Озюнинъ халкъы Исраиль ичюн эписи япкъан шейлери акъкъында эшитти.

Чыкъыш 18:1 ပူးပေါင်းရင်းမြစ်များ

Зебур 105:43

Чокъ керелер РАББИ оларны къуртаргъан эди, олар исе даа инатлана эдилер, ве озь яманлыкълары ичюн алчакълаштырылдылар.

Зебур 105:5

Сайлагъанларынънынъ аманлыгъыны корейим, халкъынънен берабер къуванчнен шенъленейим, Сенинъ мирасынънен макътанып юрейим!

Зебур 106:2

РАББИ сатын алгъан адамлар бойле айтсынлар! О, оларны душман къолундан къуртарды,

Зебур 34:2

Къорчалав алетлеринъни ве къалкъанынъны алып, манъа ярдымгъа кель!

Зебур 44:1

Баш чалгъыджы ичюн. Шошаним авасында. Къорах огъулларынынъ маскили. Севги йыры.

Зебур 78:4

Къомшуларымыз бизни масхара этелер, этрафымыздакилер бизни мыскъыллайлар ве акъарет этелер.

Чыкъыш 2:16

Мидьяндаки руханийнинъ еди къызы бар эди. Олар, шу къуюгъа келип, бабаларынынъ къой-эчкилерине сув бермек ичюн, сув чекип ашлавларны толдурдылар.

Чыкъыш 2:18

Къызлар озь бабалары Реуэлге келип, бабасы олардан: – Бугунь не ичюн о къадар тез кельдинъиз я? – деп сорады.

Чыкъыш 2:21

Муса бу адамда яшамагъа разы олды. Сонъ о адам озь къызы Циппораны Мусагъа акъайгъа берди.

Чыкъыш 3:1

Муса мидьянлы руханий олгъан къайнатасы Йитронынъ къой-эчкилерини бакъа эди. Куньлерден бири о, сюрюни сахранынъ узакъ ерине айдады ве Хорев деген Алланынъ дагъына кельди.

Чыкъыш 4:18

Муса кетип, къайнатасы олгъан Йитрогъа къайтты. Онъа: – Мен Мысырда олгъан халкъыма къайтайым. Олар даа сагъмы-ёкъмы экен бакъайым, – деди. Йитро Мусагъа: – Аман-эсен бар, – деди.

Чыкъыш 6:6

Бойлеликнен, Исраиль огъулларына айт: «Мен – РАББИм. Сизни мысырлыларнынъ зулумындан алып чыкъарым, оларнынъ къуллугъындан азат этерим ве къудретимни косьтерип, буюк белялар ярдымынен сизлерни къуртарырым.

Йирмея 33:9

Ер юзюндеки бутюн халкъларнынъ огюнде бу шеэр Манъа къуванчлы нам, макътав ве урьмет кетиреджек. Ерусалим халкъына эткен яхшылыгъым акъкъында эшиткенде, бу халкълар шашып къаладжакълар, бу халкъкъа багъышлагъан тынчлыкъ-аманлыкъ акъкъында билип, титрейджеклер.

Зекерья 8:23

Ордуларнынъ РАББИси бойле дей: – О куньлерде чешит тилли халкълардан олгъан он адам бир ехудалынынъ урбасы этегинден тутаджакъ ве: «Биз сизнен кетеджекмиз, чюнки Алла сизнен олгъаныны эшиттик», – дейджеклер.

Сайылар 10:29

Муса мидьянлы Реуэлнинъ огълу Ховавгъа (Реуэл Мусанынъ къайнатасы эди) бойле деди: – РАББИ бизге бермеге сёз берген ерге ёлгъа чыкъамыз. Бизнен юр, санъа бизнен яхшы олур. РАББИ Исраильге яхшылыкъ япаджагъына сёз берди.

Фаалиет 14:27

О ерге келип, иманлылар топлашувыны топладылар, Алланынъ оларнен не япкъаныны, башкъа миллетлерге иман къапусыны насыл ачкъаныны айтып бердилер.

Фаалиет 15:12

О вакъыт бутюн джемаат сесини кесип, Барнабанен Павелни динълей башладылар. Олар исе Алла башкъа миллетлер арасында оларнынъ ярдымынен насыл аджайип шейлер ве бельгилер косьтергени акъкъында айттылар.

Римлилерге 15:18

Месих меним ярдымымнен япкъанларындан гъайры ич бир шейни айтмагъа юрекленмейим. Сёзнен ве ишнен, бельгилерни косьтерип ве аджайип ишлерни япып, Алланынъ Рухунынъ кучюнде Месих меним вастамнен халкъларны имангъа кетире эди. Бойле этип, Месих акъкъында Къуванчлы Хаберни Ерусалимден башлап, тап Иллирик дагъларына къадар бутюнлей илян эттим.

Нун огълу Ехошуа 2:10

– Сиз Мысырдан чыкъкъанда, РАББИ сизинъ огюнъизде Къызыл денъизнинъ сувларыны къуруткъаныны ве сиз Иорданнынъ башкъа тарафындаки Сихонны ве Огны, бу эки аморлы падишаларны ольдюрип, ёкъ эткенинъизни эшиттик.

Нун огълу Ехошуа 9:9

– Биз, сенинъ къулларынъ, Алланъ олгъан РАББИнинъ Намы ичюн, баягъы узакъ яткъан топракътан кельдик, чюнки биз Онынъ Намы ве Мысырда Онынъ бутюн япкъанлары акъкъында эшиттик.

Къадылар 1:16

Мусанынъ къайнатасы олгъан кенлининъ огъуллары Ехуда огъулларынен берабер Пальмалар Шеэринден чыкъып, Ехуда сахрасына ёл алдылар. Сахра Араднынъ янындаки Негевде ерлешкен эди. Мында келип, олар ерли халкънынъ арасында ерлештилер.

Къадылар 4:11

О заманларда кенли Хевер кенлилерден, Мусанынъ къайнатасы олгъан Ховавнынъ огъулларындан айрылып, Кедеш якъынларындаки Цаананним эменининъ тюбюнде чадырларыны ерлештирди.