Чыкъыш 15:9 - Мукъаддес Китап

⁹ Душман деди ки: «Артларындан къувалап, артларына етерим, авны болерим. Оларнен джаным тояр; къылычымны чекерим; къолум оларны къырар».

Чыкъыш 15:9 ပူးပေါင်းရင်းမြစ်များ

Башланув 49:27

Биньямин – йыртыджы къашкъыр, саба о, туткъаныны ашай, акъшам исе гъаниметини боле.

2 Падишалар 22:38

Душмаларымнынъ пешинден къувалайым, оларны ёкъ этем. Олар тамамынен гъайып олмагъандже, артыма къайтмайым.

3 Падишалар 19:2

Изевель Ильяскъа бир хаберджи ёллап: – Эгер мен ярын мына шу вакъыткъа къадар пейгъамберлернинъ джанларыны алгъанынъ киби, джанынъны алмасам, аллаларым бойнумны урсун, мени пек къатты джезаласынлар! – деди.

3 Падишалар 20:10

Бен-Хадад даа бир хабер ёллап: – Мен Самарие шеэрининъ кулюни кокке савурарым. Джаяв аскерлериме бирер авуч куль биле тийсе, аллалар бойнумны урып, мени пек къатты джезаласынлар! – деди.

Чыкъыш 14:5

Халкънынъ къачкъаны акъкъында Мысыр падишасына хабер этильген эди. Фыравун ве онынъ хызметчилери бу халкъкъа япкъан ишлерине языкъсындылар. – Недир бизим эткенимиз? – дедилер олар. – Не ичюн биз, исраиллилер бизге даа хызмет этмесинлер деп, оларны йибердик?

Икметли сёзлер 16:19

Ювашларнен берабер алчакъгонъюлли олмакъ кибирлилернен берабер гъаниметни пайлаштырмакътан яхшыдыр.

Ешая 36:20

Бутюн ерлернинъ аллаларындан къайсы алла озь мемлекетини менден къуртарды? РАББИ Ерусалимни менден къуртара билирми?

Ешая 53:12

Шунынъ ичюн буюклернинъ арасында Онъа бир пай береджегим, кучьлю адамларнен гъаниметни болюшеджек. О, джаныны олюмге берди, джинаетчилернен бир сайылды, устюне чокъ адамларнынъ гуналарыны алды, джинаетчилер ичюн ялварды.

Йирмея 46:17

Анда бойле къычыралар: «Фыравун, Мысырнынъ падишасы баягъы шамата котерди, лякин келишкен вакъытны къачырды!»

Хавакъкъукъ 3:14

Манъа къаршы дженкке чыкъкъан аскерлернинъ башлыгъыны Сен онынъ таягъынен тештинъ. Олар, фуртуна киби, бизге атылдылар, санки сакълангъан еринде факъырны ёкъ этмек ичюн, бизни енъмеге къуванчнен ниетлендилер.

Лука 11:22

Амма онъа ондан даа кучьлюси уджюм этсе ве енъсе, о ишангъан силяны тутып алыр ве басып алгъан мал-мулькюни болер.

Къадылар 5:30

«Дженкте тюшкен авны пайлашалар. Эр аскерге бирер я экишер къыз! Сисеранынъ авы – ренкли басмалар, ренкли, орьнекли басмалар. Ишлемели, орьнекли басмадан эки кийим – дженкте къазанылгъан малдыр!»

1 Падишалар 30:8

Давут, РАББИге мураджаат этип: – Бу айдутлар сюрюси пешинден къувалайыммы? Оларны къувып етеримми? – деп сорады. РАББИ онъа: – Къувала. Мытлакъа оларгъа етип олурсынъ ве эписини къуртарырсынъ, – деди.