Чыкъыш 15:14 - Мукъаддес Китап

¹⁴ Халкълар эшитирлер ве титрерлер; Фелестин сакинлерини дешет басар.

Чыкъыш 15:14 ပူးပေါင်းရင်းမြစ်များ

1 Тарих вакъиалары 14:17

Бундан сонъ Давутнынъ намы бутюн мемлекетлерде белли олды. РАББИ оны бутюн халкълар ичюн къоркъунчлы этти.

Зебур 48:6

Мени къувалагъанлар эр тарафтан мени сарып алгъанда, белялы куньлерде не ичюн къоркъаджагъым?

Зебур 48:7

Олар озь кучюне ишанып, байлыкъларынынъ чокълугъындан къопаялар.

Ешая 14:29

– Эй, фелестинлилернинъ топрагъы! Сени ургъан таякъ харап олгъанына къуванма! Йыланнынъ союндан кобра чыкъаджакъ, онынъ баласы – учкъан аждерха оладжакъ.

Ешая 14:31

Агъланъыз, эй, шеэр къапулары! Эй, шеэр, сес чыкъарып улу! Эй, бутюн Фелестин топрагъы, сен гъайып оладжакъсынъ! Шималь тарафтан тютюн котериле, душман ордулары сыра-сыра келе, аскерлерден бири артта къалмай.

Ешая 23:5

Тир акъкъындаки хабер мысырлыларгъа барып чыкъкъанда, олар къоркъудан къалтырайджакълар.

Ехезкель 32:9

Мен сенинъ къалгъанынъны халкъларнынъ арасына, олар танымагъан мемлекетлерге сюргюн эткенимде, чокъ халкъларнынъ юреги къасеветке толаджакъ.

Хавакъкъукъ 3:6

О турды, ве дюнья салланды, О бакъты, ве халкълар титреди. Къарт дагълар йыкъылды, эски байырлар тер-тегиз олды. Онынъ ёллары эбедий.

Хавакъкъукъ 3:7

Хушан чадырлары гъамлы алда олгъаныны корьдим, Мидьян топрагъындаки чадыр перделери къоркъудан титреди.

Сайылар 14:14

бу топракъта яшагъан халкъкъа нени айтарлар? (Олар исе эшиткен ки, Сен, я РАББИ, бу халкънынъ арасында оласынъ, Сен, РАББИ, оларгъа юзьме-юзь корюнесинъ, Сенинъ булутынъ оларнынъ устюнде тура, куньдюз Сен оларнынъ оглеринден булут дирегинде, геджеси исе атеш дирегинде кетесинъ.)

Сайылар 22:5

О, эльчилерни Беорнынъ огълу Беламгъа ёллады. Белам Петор шеэринде, Фират дерьясынынъ ялысында, озь халкъынынъ топрагъында яшай эди. Балакъ оны чагъырып: – Мысырдан бир халкъ чыкъты ве ер юзюни къаплады. Олар меним янымда ерлештилер.

Къануннынъ текрары 2:25

Энди бутюн ер юзюнде яшагъан халкълар сенинъ акъкъынъда эшиткенинен, къоркъу ве дешет тюбюне къалырлар. Мен буны япып башларым. Сенинъ огюнъде олар къалтырайджакълар ве чекишеджеклер».

Нун огълу Ехошуа 10:2

Онынъ отю патлады, чюнки Гивон шеэри, падиша шеэрлеринден бири киби, балабан, Ай шеэринден биле буюк эди, сакинлери де джесюр аскерлер эдилер.

Нун огълу Ехошуа 2:11

Буны эшиткенимизден сонъ, отьлеримиз патлады ве сизге къаршы турмакъ ичюн кимсе джесюрлик тапалмады. Алланъыз олгъан РАББИ – тёпедеки коклернинъ ве ашагъыдаки ер юзюнинъ Алласыдыр.

Нун огълу Ехошуа 9:24

Олар Ехошуагъа бойле джевап къайтардылар: – Алланъ олгъан РАББИ къулу Мусагъа: «Исраиллилерге бутюн топракъны бер ве бу топракънынъ эписи сакинлерини ольдюр», – буюргъаны бизге, къулларынъа белли олды. Шунынъ ичюн, бизни ольдюрирсинъиз, деп отюмиз патлады, ве биз буны яптыкъ.

Нун огълу Ехошуа 9:9

– Биз, сенинъ къулларынъ, Алланъ олгъан РАББИнинъ Намы ичюн, баягъы узакъ яткъан топракътан кельдик, чюнки биз Онынъ Намы ве Мысырда Онынъ бутюн япкъанлары акъкъында эшиттик.

1 Падишалар 4:7

Фелестинлилер къоркъты ве: – Оларнынъ ордуларына Алла кельди, – дедилер. Ве даа: – Башымызгъа беля тюшти! Ич бир вакъыт ойле шей олгъаны ёкъ.

1 Падишалар 4:8

Бу кучьлю Алланынъ къолундан бизни ким къуртараджакъ? Бу – мысырлыларны сахрада чешит беляларгъа огъраткъан Алладыр.