Чыкъыш 14:30 - Мукъаддес Китап

³⁰ О куню РАББИ исраиллилерни мысырлыларнынъ къолундан къуртарды. Исраиллилер денъизнинъ ялысында мысырлыларнынъ олюлерини корьдилер.

Чыкъыш 14:30 ပူးပေါင်းရင်းမြစ်များ

2 Тарих вакъиалары 32:22

Бойле этип, РАББИ Хизкияны ве Ерусалимде яшагъанларны Ашшурнынъ падишасы Санхеривнинъ къолундан къуртарды. Башкъаларнынъ къолларындан да къуртарды ве эр тарафтан сакълады.

Зебур 106:10

Къаранлыкъта, олюм кольгесининъ тюбюнде къалдылар, демир зынджырларында азап чеке эдилер,

Зебур 106:8

РАББИге шукюр этсинлер буюк севгиси ичюн, инсан огъулларына косьтерген аджайип ишлери ичюн!

Зебур 58:10

Къудрет – оларнынъ тарафындадыр. Мен исе Сенинъ джевабынъны беклерим; Аллам – меним сакълангъан ерим!

Зебур 59:10

Моав – ювунгъан чанагъым; Эдом устюне чызмамнен басаджагъым. Фелестин топрагъында Мен гъалебе къазанып къычыраджагъым!»

Зебур 91:8

Ярамайларнынъ от киби пейда олгъаны, акъсызлыкъ япкъанларнынъ гуль ачкъаны – оларнынъ эбедий ёкъ олувы ичюндир.

Чыкъыш 14:13

Амма Муса халкъкъа: – Къоркъманъыз. Къатты турунъыз. РАББИ бугунь сизни къуртаргъаныны корерсинъиз. Бугунь корьген мысырлыларны бир даа омюрбилля корьмезсинъиз.

Ешая 63:11

О вакъыт Онынъ халкъы эски заманны, Мусанынъ куньлерини хатырлады. – Къойларынынъ чобанларынен берабер оларны денъизден кечирген не ерде? Мусанынъ юрегине Мукъаддес Рухуны ерлештирген,

Ешая 63:8

– Олар керчектен Меним халкъым, Мени алдатмайджакъ балаларымдыр, – деди РАББИ ве оларнынъ Къуртарыджысы олды.

Ешая 63:9

Эр тюрлю къасеветлерини Озюне алды, юзюнинъ Мелеги оларны къуртарды, севгиси ве мераметинен оларны сатын алды, къадимий заманларда оларны къолларында алып ташыды.

Хошеа 1:7

Лякин Ехуда эвине мерамет этеджегим. Не яй, не къылыч, не дженк, не атлар ве атлылар оларны къуртараджакъ, олар Алласы РАББИнинъ кучюнен къуртуладжакъ.

Къануннынъ текрары 4:34

Алланъыз олгъан РАББИ баргъанда, джезалар берип, бельгилер косьтерип, аджайип шейлер япып, дженк этип, къудрети ве къуветинен козьлеринъиз огюнде Мысырдан башкъа миллетнинъ арасындан Озюне миллет сайлап алды. Башкъа аллалар, РАББИ-Таалянъыз сизге япкъаны киби, буны япмагъа тырыштымы?

Иуда 1:5

Сизлер бунынъ эписини бильсенъиз де, мен сизинъ акълынъызгъа кетирмеге истейим: Рабби Исраиль халкъыны Мысырдан къуртаргъан сонъ, кечче Онъа инанмагъанларны ёкъ этти.

Къадылар 10:11

РАББИ оларгъа джевап берип: – Сизни мысырлылар ве аморлылар, аммонлылар, фелестинлилер ве

1 Падишалар 11:13

Лякин Шаул: – Бугунь кимсени ольдюрмеге олмаз, чюнки бугунь РАББИ Исраильни къуртарды, – деди.

1 Падишалар 14:23

Шу куню РАББИ исраиллилерни къуртарды, дженк исе Бет-Авенгедже узанды.