Чыкъыш 12:17 - Мукъаддес Китап

¹⁷ Маясыз Пишкен Пите Байрамыны япынъыз. Тамам бу куню Мен сизинъ ордуларынъызны Мысыр топрагъындан чыкъардым. Бу кунни эбедий урф-адет оларакъ несильден несильге япынъыз.

Чыкъыш 12:17 ပူးပေါင်းရင်းမြစ်များ

Чыкъыш 12:14

Бу кунь сиз ичюн хатырлаткъан кунь олсун: оны РАББИге байрам оларакъ несильден несильге япынъыз. Сиз ичюн бу эбедий эмирдир.

Чыкъыш 12:24

Буны озьлеринъиз ве огъулларынъыз эбедий къанун оларакъ кутюнъиз.

Чыкъыш 12:41

430 йыл кечкен сонъ, тамам бу куннинъ геджесинен РАББИнинъ бутюн ордулары Мысыр топрагъындан чыкъып кетти.

Чыкъыш 12:6

О, сизде бу айнынъ 14-юнджи кунюнедже турсун. О заман бутюн Исраиль джемаатынынъ топлашувы оны акъшам сойсун.

Чыкъыш 13:10

Бойлеликнен, бу низамнамени йылдан-йылгъа тайинленген вакъытта ерине кетиринъиз! – деди.

Чыкъыш 13:3

Муса халкъкъа: – Мысырдан, къуллукъ топрагъындан чыкъкъан бу кунни акъылынъызда тутунъыз. РАББИ сизни андан Озь къудретинен чыкъарды. Бу куню минген хамырдан пишкен питени ашаманъыз.

Чыкъыш 13:8

Огъулларынъызгъа о куньде: «Бу – мен Мысырдан чыкъкъанда, РАББИ манъа нелер япкъанларына хатырадыр», – деп илян этинъиз.

Чыкъыш 34:18

Маясыз Пишкен Пите Байрамыны япынъыз. Мен санъа эмир эткеним киби, Авив айында тайинленген куньлерде еди кунь маясыз пишкен пите ашанъыз. Мысырдан сиз бу айда чыкъып кеткен эдинъиз.

Чыкъыш 6:26

Мына Харун ве Муса. РАББИ оларгъа бойле айткъан эди: – Исраиль огъулларыны ордуларынен Мысыр топрагъындан алып чыкъынъыз.

Чыкъыш 7:5

Къудретимни Мысыргъа косьтерип, Исраиль огъулларыны мысырлыларынъ арасындан алып чыкъкъанымдан сонъ, эписи мысырлылар «Мен – РАББИ» олгъанымны билирлер.

Сайылар 20:16

Биз РАББИден ярдым сорадыкъ, ве О, сесимизни эшитти. О, бизге бир мелекни ёллады ве бизни Мысырдан чыкъарды. Шимди биз Къадештемиз, сенинъ сынъырынъда олгъан бир шеэрдемиз.

Къануннынъ текрары 16:3

Оны ашап, маянен пиширильген ич бир шейни ашама. Еди кунь оны маясыз пишкен отьмекнен, беля отьмегинен аша, чюнки сен ашыкъып, Мысыр топрагъындан чыкъкъансынъ. Буны япып, омюрбилля Мысырдан чыкъкъан кунюни акъылынъда тут.