Чыкъыш 12:11 - Мукъаддес Китап

¹¹ Оны ашагъан вакъытта беллеринъиз багълы олсун, аякъкъапларынъыз аякъларынъызда, таякъларынъыз къолларынъызда олсун. Оны ашыкъчанлыкънен ашанъыз. Бу – РАББИнинъ Песахыдыр.

Чыкъыш 12:11 ပူးပေါင်းရင်းမြစ်များ

4 Падишалар 23:21

Падиша бутюн халкъкъа эмир этти: – Бу Васиет Китабында язылгъаны киби, Алланъыз олгъан РАББИ ичюн Песах Байрамыны тутунъыз!

Чыкъыш 12:13

Сиз олгъан эвлер устюндеки къан бельги олур. Мен къанны корерим ве сизинъ янынъыздан кечип кетерим. Мысыр топрагъыны къыргъанымда, сизни къыргъан фелякет олмаз.

Чыкъыш 12:21

Муса, эписи Исраиль акъсакъалларыны чагъыртып, оларгъа: – Къоранталарынъызгъа коре айванларны сайлап алынъыз ве оларны сойып, Песахны азырланъыз, – деди.

Чыкъыш 12:27

оларгъа: «Бу – РАББИге Песах къурбаныдыр. РАББИ Мысырда мысырлыларгъа зарар кетирди, эвлеримизни исе къуртарды, исраиллилернинъ эвлери янларындан кечип кетти», – айтынъыз. Халкъ, седждеге къапанып, ибадет этти.

Чыкъыш 12:43

Мусанен Харунгъа РАББИ: – Мына Песахнынъ низамнамеси: ич бир ябанджы оны ашамасын.

Ешая 52:12

Ашыкъмаздан чыкъаджакъсынъыз, къачмайып кетеджексинъиз, РАББИ огюнъизден кетеджек, Исраильнинъ Алласы артынъыздан сизни къорчалайджакъ.

Ехезкель 45:21

Биринджи айнынъ 14-юнджи куню сизде Песах Байрамы олсун. Бу байрамда еди кунь девамында маясыз пителерни ашамакъ керек.

Левийлилер 23:5

Биринджи айда, 14-юнджи кунюнинъ акъшамы – РАББИнинъ Песахыдыр.

Сайылар 28:16

Биринджи айда, айнынъ 14-юнджи куню – РАББИнинъ Песахыдыр.

Сайылар 9:1

Исраиллилер Мысыр топрагъындан чыкъкъан сонъ, экинджи йылнынъ биринджи айында РАББИ Синай сахрасында Мусагъа бойле деди:

Лука 12:35

Эр вакъыт бутюнлей азыр олунъыз: урбаларынъыз къушакънен багълы ве чыракъларынъыз янып турсун.

Лука 15:22

Амма бабасы къулларына: «Тез олунъ, энъ яхшы урба кетирип, оны кийиндиринъиз, къолуна юзюк такъынъыз, аякъларына аякъкъап кийсетинъиз.

Лука 2:41

Исанынъ ана-бабасы эр йыл Ерусалимге Песах Байрамына бара эдилер.

Лука 7:38

Исанынъ артында, аякълары янында турып, окюр-окюр агълай башлады. Козь яшлары Исанынъ аякъларына тамлай, къадын сачларынен оларны сюрте башлады, опе-опе къокъулы ягънен ягълады.

1 Коринтлилерге 5:7

Эски маяны чыкъарып атынъыз, маясыз олып, янъы хамыр олунъыз. Песах къурбанымыз Месих энди къурбан олды да.

Эфеслилерге 6:15

аманлыкъ берген Къуванчлы Хаберни даркъатмакъ ичюн, аякъларынъызгъа азырлыкъ аякъкъапыны кийинъиз.

Къануннынъ текрары 16:1

Авив айыны унутмайып, Алланъ олгъан РАББИге Песах Байрамыны яп. Алланъ олгъан РАББИ сени геджесинен Мысырдан Авив айында алып чыкъты.

Нун огълу Ехошуа 5:10

Исраиль огъуллары Гилгалда ордунен ерлештилер ве айнынъ 14-юнджи кунюнинъ акъшамы Ерихоннынъ тегиз ерлеринде Песах Байрамыны кечирдилер.

1 Пётр 1:13

Шунынъ ичюн акъылларынъызны арекетке азырланъыз ве айыныкъ олунъыз. Иса Месих кельген вакътында сизлерге бериледжек эйиликке бутюнлей умют багъланъыз.