Чыкъыш 10:5 - Мукъаддес Китап

⁵ О, ер юзюни ойле къаплар ки, ерни корьмеге чареси олмаз. О, топрагъынъызда бурчакътан сагъ къалгъан эр шейни ашар. Тарлаларынъызда оськен эписи тереклеринъизни де бутюнлей кемирир.

Чыкъыш 10:5 ပူးပေါင်းရင်းမြစ်များ

Чыкъыш 10:12

О вакъыт РАББИ Мусагъа: – Мысыр топрагъына тараф къолунъны узат. Бутюн Мысыр топрагъыны сарынчкъа бассын ве топрагъындаки бутюн отны, бурчакътан аман къалгъан бутюн шейлерни ашасын, – деди.

Чыкъыш 10:15

О, бутюн ер юзюни ойле къаплады ки, ерни корьмеге чареси ёкъ эди. О, бутюн мемлекетнинъ отуны ашады ве бурчакътан аман къалгъан тереклердеки махсулларны ашады. Бутюн Мысыр топрагъында не тереклернинъ устюнде, не де тарладаки от устюнде ешиллик къалмады.

Чыкъыш 10:4

Эгер халкъымны йибермесенъ, ярын бутюн мемлекетинъе сарынчкъа ёлларым.

Чыкъыш 9:32

Богъдайны ве къызыл богъдайны исе урмады, чюнки олар кечче етиштилер.

Ёэль 1:4

Тыртырлардан къалгъаныны сарынчкъалар ашады, сарынчкъалардан къалгъаныны чегерткилер ашады, чегерткилерден къалгъаныны къонъузлар ашап битирди.

Ёэль 2:25

Берекетинъизни тыртыр, сарынчкъа, чегертки ве къонъузлар ашагъан йыллары ичюн, сизге къаршы ёллагъан буюк ордум ичюн акъкъынъызны къайтарырым.

Ёэль 2:3

Оларнынъ огюнде атеш якъа, артында алев яндыра. Огдеки топракълар – Эдем багъчасы кибидир, артларындан исе бош чёллерге чевирилир. Ич бир шей олардан къуртулып оламаз.