Чыкъыш 10:28 - Мукъаддес Китап

²⁸ Фыравун Мусагъа: – Бар кет! Мукъайт ол, козюм корьмесин сени, козюм корьген куню исе – олерсинъ! – деди.

Чыкъыш 10:28 ပူးပေါင်းရင်းမြစ်များ

2 Тарих вакъиалары 16:10

Аса пек гъазапланды, гизли шейлер бильген адамгъа пек ачувланды ве оны зиндангъа ташлады. О заманларда Аса башкъа адамларгъа да зулумлыкъ япа эди.

2 Тарих вакъиалары 25:16

Пейгъамбер бу сёзлерни айткъан сонъ, падиша онъа: – Сенинъ падишагъа акъыл огретмеге не акъкъынъ бар? Лафынъны битир, ёкъса сени ольдюреджеклер! – деди. Пейгъамбер: – Мен билем: сен шу ярамай ишни япкъанынъ ве меним сёзюмни динълемегенинъ ичюн, Алла сени ёкъ этмеге къарар этти, – деп, сёзюни кести.

Чыкъыш 10:11

– Ёкъ! Сорагъанынъызгъа коре, тек акъайлар барып, РАББИге ибадет этсинлер. Сонъ оларны фыравундан къувдылар.

Чыкъыш 18:4

Экинджисининъ ады Элиэзер эди, чюнки Муса: «Бабамнынъ Алласы, манъа ярдымджы олып, мени фыравуннынъ къылычындан къорчалады», – деди.

Амос 7:13

Бир даа Бет-Эльде пейгъамберлик этме. Бу шеэр – падиша ибадет эткен азиз ердир ве падишалыкънынъ сарайыдыр.

Еудийлерге 11:27

Фыравуннынъ гъазабындан къоркъмайып, о, иманнен Мысырны ташлап кетти. О, корюнмеген Алланы корьгени киби, къатты эди.