Башланув 32:7 - Мукъаддес Китап

⁷ Якъуп пек къоркъты ве шашмалады. Онен олгъан адамларны, къой-эчкилерни, туварларны ве девелерни болип, эки ордунен къойды.

Башланув 32:7 ပူးပေါင်းရင်းမြစ်များ

Башланув 32:11

Мени агъамнынъ къолундан, Исавнынъ къолундан къуртар. Мен къоркъам ки, о, мында келип, мени апайларымнен ве балаларымнен берабер ольдюрир.

Башланув 32:3

Якъуп Эдом мемлекетине, Сеир топрагъында олгъан агъасы Исавгъа хаберджилерни йиберди,

Башланув 32:8

«Эгер Исав бир ордугъа уджюм этип, урса, – деп тюшюнди Якъуп, – ич олмагъанда, экинджи орду къачып къуртарылыр».

Башланув 33:1

Якъуп бакъып, Исавны ве онен берабер 400 адам кельгенлерини корьди. Якъуп Леанынъ, Рахельнинъ ве эки хызметчи апайларынынъ балаларына аналары янларында турмагъа буюрды.

Башланув 35:3

Биз Бет-Эльге кетермиз. Анда башым белягъа къалгъанда манъа джевап берген ве мен юрген ёлларда янымда олгъан Аллагъа къурбан ери япаджагъым.

Зебур 107:6

Эй, Алла, коклерден юкъарыгъа чыкъ, шуретинъ бутюн ер юзюни къапласын!

Зебур 112:5

Алламыз олгъан РАББИге ошагъан ким бар? О, юксеклерде отура,

Зебур 142:4

Меним тенимде гонъюль такъаттан кесильди, ичимдеки юрегим къатып къалды.

Зебур 61:2

Джаным ялынъыз Аллада раат ола, О, мени къуртараджакъ.

Чыкъыш 14:10

Фыравун якъынлашкъанда, Исраиль огъуллары аркъаларына айланып бакътылар ве артларындан мысырлыларнынъ кельгенлерини корьдилер. Исраиль огъуллары пек къоркътылар ве ярдым сорап РАББИге ялвардылар.

Икметли сёзлер 2:11

Ферасет сени сакълайджакъ, акъыл сени къорчалайджакъ.

Ешая 28:26

Бойле тертип-низамны онъа Алла тенбиелеп огрете.

Матта 10:16

‌Мына, Мен сизлерни къашкъыр сюрюсине къойлар киби ёллайым. Сиз йыланлар киби акъыллы ве гогерджинлер киби саде олунъ.

Матта 8:26

Иса исе: – Не ичюн сиз бойле къоркъакъсынъыз, аз иманлылар? – деди оларгъа. Сонъ еринден турып, фуртуна ве гольни тынчландырды. Шу вакъыт эр шей бутюнлей тынды.

Юхан 16:33

Сиз Менде барышыкъ тапмакъ ичюн буларны сизге айттым. Дюньяда къаза-беля ичинде яшарсынъыз. Лякин джесюр олунъыз: Мен бу дюньяны енъдим.

Фаалиет 14:22

Шегиртлернинъ джанларыны къавийлештирип, иманда эр вакъыт олмагъа оларгъа мураджаат эте эди. Олар: «Алланынъ Падишалыгъына кирмек ичюн, биз чокъ азаплар чекмек керекмиз», – дей эдилер.

2 Коринтлилерге 1:4

О, бизни чешит тюрлю беляларымызда юреклендире. Сонъ биз де, Алладан ярдым алып, эр тюрлю беляларгъа огърагъан адамларны юреклендире билемиз.

2 Тимотейге 3:12

Иса Месихнен бирликте диндар яшамагъа истеген адамларнынъ эписи къувувгъа огърар.