Амос 8:9 - Мукъаддес Китап

⁹ – О куню, – дей РАББИ-ТААЛЯ, – уйледе кунешни батыраджагъым, купе-куньдюз ер юзюни къарартаджагъым.

Амос 8:9 ပူးပေါင်းရင်းမြစ်များ

Эюп акъкъында китап 5:14

Куньдюз къаранлыкъ оларны къаплар, уйле вакътында да, геджеси киби, къармаланалар.

Ешая 13:10

Коктеки йылдызлар, Орион ве онынъ йылдызлары нуруны бермейджеклер; кунеш догъгъанда сёнеджек, ай да озь ярыгъынен ярыкълатмайджакъ.

Йирмея 13:16

РАББИни, сизинъ Алланъызны шуретленъиз! Бир кунь О, къаранлыкъ ёллайджакъ, къараргъан дагъларда аякъларынъыз сюрюнип башлайджакъ. Сиз ярыкъ беклейджексиз, Рабби исе оны олюм кольгесине, къою къаранлыкъкъа чевиреджек.

Йирмея 15:9

Еди балалы къадын эсини джойып, сонъки нефесини ала. Даа куньдюз олгъанда, кунеши батты, утанды, масхара олды. Сагъ къалгъанларны душманларгъа береджегим, олар къылычнен ольдюриледжеклер, – дей РАББИ.

Ехезкель 32:7

Мен сени сёндюрген вакъытта коклерни къара япаджагъым, къаранлыкъ йылдызларны къапатаджакъ. Кунешни булутларнен орьтеджегим, ай да ярыкъ бермейджек.

Амос 4:13

Бакъ! Алла дюньянынъ юксек ерлеринден келеята! О, дагъларны ясагъан ве ельни яраткъан. О, адамгъа Озь тюшюнджелерини анълата, танъ ярыгъыны къаранлыкъкъа чевире. Онынъ Ады – РАББИ, Ордуларнынъ Алласыдыр.

Амос 5:8

Алла Улькер ве Орион йылдыз такъымларыны яраткъан. О, зифт къаранлыкъны саба ярыгъына чевире, куньдюзни геджеге айландыра, денъиз сувларыны чагъырып, оларны ер юзюне тёке. Онынъ Ады – РАББИдир!

Микъа 3:6

Шунынъ ичюн руялар ерине къара геджени кореджексинъиз, фалджылыкъ ерине къаранлыкъны аладжакъсынъыз. Пейгъамберлернинъ башы устюнде кунеш ярыкъ бермейджек, куньдюзлери къара оладжакъ.

Зекерья 14:7

Бу, бир кунь оладжакъ. О, насыл оладжагъыны тек РАББИ биле. Не куньдюз, не гедже оладжакъ, тек акъшам устю ярыкъ пейда оладжакъ.

Матта 24:29

‌Бирден шу куньлернинъ буюк мусибетинден сонъ «Кунеш къара оладжакъ, ай да ярыкъ бермейджек. Йылдызлар коктен тюшеджеклер ве коклердеки кучьлер сарсыладжакълар».

Матта 27:45

Уйледен башлап саат учьке къадар бутюн дюньяны къаранлыкъ басты.

Марк 15:33

Уйле вакътындан саат учьке къадар бутюн дюньяны къаранлыкъ басты.

Лука 23:44

‌Бу вакъиа саат он экилерде олды. Сонъ саат учьке къадар бутюн дюньяны къаранлыкъ басты,

Сырларнынъ ачылувы 6:12

Къозу алтынджы печатны бозгъанда, бакъсам, буюк зельзеле олды. Кунеш къара гедже киби къарарды, ай исе бутюнлей къан тюсте олды.

Сырларнынъ ачылувы 8:12

Дёртюнджи мелек боразан чалды. Кунешнинъ учьте бири, айнынъ учьте бири ве йылдызларнынъ учьте бири зарарланды. Оларнынъ учьте бири къарарды. Шунынъ ичюн куньдюзнинъ де, гедженинъ де учьте бири ярыкъсыз къалды.