Амос 8:6 - Мукъаддес Китап

⁶ Ёкъсулларны кумюшке сатын аладжакъмыз, фукъарелер ичюн бир чифт сандалет береджекмиз, богъдай ерине кепек сатаджакъмыз.

Амос 8:6 ပူးပေါင်းရင်းမြစ်များ

Нехемья 5:8

ве бойле дедим: – Биз къолумыздан кельгени къадар ябанджы халкъларгъа сатылгъан озь къардашларымыз ехудалыларны кери сатын алмагъа тырышамыз. Сизлер исе озь къардашларынъызны сатасынъыз. Кене бизге сатылсынлар депми? Олар исе индемей, бир шей айтып оламай эдилер.

Ехезкель 22:12

Сенде яшагъанлар къан тёкмек ичюн, къапарларны берелер. Сен файдасы ичюн пара бересинъ, пара бергенде, фаиз истейсинъ, якъынынъны зорлап, ондан акъча тутып аласынъ. Мени исе сен къалдырдынъ, – дей РАББИ-ТААЛЯ.

Ёэль 3:3

Олар халкъымны джереп чекип болюштилер, яш огъланларны ороспуларгъа денъиштирдилер, яш къызларны шарапкъа саттылар ве сархошлангъандже ичтилер.

Ёэль 3:6

Ехудалыларны ве Ерусалим огъулларыны юнанларгъа саттынъыз, озь мемлекетинден оларны узакълаштырдынъыз.

Амос 2:6

РАББИ бойле дей: – Гуна устюне гуна къазангъанлары ичюн, исраиллилерни мытлакъа джезалайджагъым. Чюнки олар инсафлы адамны кумюшке сата, фукъарени бир чифт сандалетке бере.

Амос 3:9

Ашдод шеэрининъ къавийлештирильген сарайларында ве Мысыр топрагъынынъ къавийлештирильген сарайларында яшагъанларгъа буны бильдиринъиз: – Самарие дагъларында топланынъыз, ичиндеки чокътан-чокъ къалабалыкъ ве амансызлыкъкъа бакъынъыз.

Амос 4:1

Эй, Самарие дагъында яшагъан, Башан сыгъырлары киби, семиз олгъан къадынлар! Фукъарелерни хорлагъан, факъырларны чекиштирген, акъайларына: «Бизге бир шей ичмеге кетир!» – деген апайлар, бу сёзлерни динъленъиз.

Амос 8:4

Эй, фукъарелерни таптагъанлар, заваллыларны чекиштиргенлер, буны динъленъиз!

Зекерья 5:6

– Бу недир? – деп сорадым мен. – Бу – бир ольчев савутыдыр, – деди. – Бу бутюн ер юзюндеки халкънынъ къабаатларыдыр.