Амос 7:9 - Мукъаддес Китап

⁹ Исхакънынъ ибадет тёпелери ёкъ этиледжек, Исраильнинъ азиз ерлери йыкъыладжакъ, Еровоамнынъ эвине къаршы Мен къылычнен чыкъаджагъым.

Амос 7:9 ပူးပေါင်းရင်းမြစ်များ

Башланув 46:1

Исраиль бутюн озь мал-мулькюнен ёлгъа чыкъты. Беэр-Шева шеэрине келип, о, бабасы Исхакънынъ Алласына къурбан чалды.

4 Падишалар 14:24

О, РАББИнинъ огюнде ярамай шейлер япты: Исраильни гуналаргъа батыргъан Неват огълу Еровоамнынъ эписи гуналарындан вазгечмеди.

Ешая 63:18

Азиз халкъынъ мында къыскъа вакъыт шорбаджылыкъ этти, душманларымыз келип, Азиз Еринъни таптады.

Йирмея 51:51

Бизни яманлагъанларда, утана эдик; ябанджылар РАББИ Эвининъ азиз ерлерине киргенде, масхаралыкъ бетлеримизни къаплады.

Ехезкель 6:3

ве бойле айт: – Эй, Исраиль дагълары! РАББИ-ТААЛЯнынъ сёзлерини динъленъиз. Дагъларгъа ве байырларгъа, вадийлерге ве дерелерге РАББИ-ТААЛЯ шойле дей: – Бакъынъыз, Мен сизлерге къаршы къылыч ёллайджагъым, ибадет тёпелеринъизни бербат этеджегим.

Хошеа 10:8

Авен шеэринде Исраильни гунагъа батыргъан ибадет тёпелери ёкъ оладжакъ, къурбан ерлеринде когемликнен кийик отлар оседжек. О вакъыт анда яшагъанлар дагъларгъа: «Бизни къапатынъыз!», байырларгъа: «Устьлеримизге тюшюнъиз!» – дейджеклер.

Амос 3:14

– Бир кунь Мен Исраильни гуналары ичюн джезалайджагъым, Бет-Эльдеки къурбан ерлери ичюн де джезалайджагъым. Къурбан ерининъ бойнузлары кесиледжек ве ерге тюшеджек.

Амос 5:5

Бет-Эльге кетменъиз, Гилгалгъа кирменъиз, Беэр-Шева шеэрине кечменъиз. Гилгал шеэри сюргюн этиледжек, Бет-Эль шеэри гъайып оладжакъ.

Амос 7:11

Амос бойле дей: «Еровоам къылычнен ольдюриледжек, Исраиль исе, мытлакъа, озь топрагъындан сюргюн этиледжек».

Амос 7:13

Бир даа Бет-Эльде пейгъамберлик этме. Бу шеэр – падиша ибадет эткен азиз ердир ве падишалыкънынъ сарайыдыр.

Амос 8:14

Самариенинъ пис путларынен ант эткенлер, Даннынъ ве Беэр-Шеванынъ аллаларына ишангъанлар йыкъыладжакъ ве бир даа турып оламайджакъ.

Амос 9:1

Мен Раббининъ къурбан ери янында тургъаныны корьдим. О, бойле деди: – Колонналарнынъ башларына ур, къапу башы сарсылсын, тёпеси адамларнынъ башына тюшсюн. Сагъ къалгъанларны исе Мен къылычнен ольдюреджегим. Оларнынъ кимсеси къачып оламайджакъ, къуртулмагъа истегенлери де къуртулмайджакъ.

Микъа 1:5

Буларнынъ эписи Якъупнынъ яман ишлери ичюн, Исраиль эвининъ гуналары ичюн оладжакъ. Якъуп нечюн яман ишлер япты? Бунынъ себепчиси Самарие дегиль эдими? Ехудада ибадет тёпелерини ким къурды? Ерусалим дегильми?