Амос 7:7 - Мукъаддес Китап

⁷ О, манъа даа буны косьтерди: Мына, Рабби саркъма ярдымынен къурулгъан диварда тура, къолунда да бир къуршун саркъма бар.

Амос 7:7 ပူးပေါင်းရင်းမြစ်များ

Башланув 28:13

Онынъ устюнде РАББИ турып, Якъупкъа: «Мен – РАББИм, деденъ Ибраимнинъ Алласы ве Исхакънынъ Алласыдырым, – деди. – Сен яткъан топракъны санъа ве эвлятларынъа береджегим.

2 Падишалар 8:2

Сонъ о, моавлыларны енъди. Моавлыларны ерге серип, оларны аркъаннен ольчеп, учьке больди. Эр учюни аркъаннен ольчеп, учьте экисини ольдюрди, бир аркъанны исе сагъ къалдырды. Сонъ моавлылар Давутнынъ къуллары олды ве салым тёледилер.

4 Падишалар 21:13

Самариени ве Ахавнынъ союны насыл ёкъ эткен олсам, Ерусалимни де бойле ёкъ этеджегим. Чанакъны насыл ичинден-тышындан темизлеп сюртелер, Ерусалимни де ойле сюртерим.

Ешая 28:17

Ольчю йипинен ольчеген дайын, адалетнен суд этеджегим, акъикъатны догърулыкънен ольчейджегим. Ялан булунгъан ерни бурчакъ урып ёкъ этеджек, сакълангъан ерлерни сув басаджакъ.

Ешая 34:11

О топракънынъ сабылары миявкъушнен кирпилер оладжакъ, анда пугъу ве къузгъун яшайджакъ. РАББИ Эдомнынъ бойдан-боюна харап этювини тайинлейджек, ёкъ этювини чекеджек.

Агълав йырлары 2:8

РАББИ Сион къызынынъ диварыны йыкъмагъа къарар этти; ольчю йипини тартты, йыкъмакътан къол чекмеди; къавийлештирильген диварларыны чытырдатты, олар бирликте кучьсюз олды.

Ехезкель 40:3

Алла мени анда кетирди. Шу ерде корюниши тунчкъа ошагъан бир адамны корьдим. Шу адам къапунынъ киришинде тура эди, къолунда кетен аркъан ве бир ольчю таягъы бар эди.

Амос 7:6

РАББИ фикирни денъиштирди. – Бу шей де япылмайджакъ, – деди РАББИ-ТААЛЯ.

Амос 7:8

РАББИ менден: – Амос, сен не коресинъ? – деп сорады. Мен: – Бир саркъманы, – дедим. Бунъа Рабби бойле деди: – Мына, Мен халкъым Исраильнинъ ортасына бир саркъма къояджагъым. Бир даа оларны багъышламайджагъым.

Зекерья 4:10

Бу кунни ким уфакъ деп саяр? Зеруббавелнинъ къолундаки ташкъа ве къуруджылыкъ саркъмасына бу еди козь къуванчнен бакъа. (Олар бутюн ер юзюни корьген РАББИнинъ козьлеридир.)

Сырларнынъ ачылувы 11:1

Манъа таякъкъа ошагъан бир ольчю берип, бойле дедилер: – Тур, Алланынъ Сарайыны ве къурбан ерини ольче, анда ибадет эткенлерни де сай.

Сырларнынъ ачылувы 21:15

Меннен лаф эткен мелекнинъ къолунда алтын бир ольчю таягъы бар эди, шеэрни, онынъ араба къапулары ве диварыны ольчемек керек эди.